Borða geitur með hníf og gaffli?

Það var ágætt viðtal við fróða konu um geitur í Ríkisútvarpinu í morgun. En því miður féll konan í þan fúla málfarspytt að tala um að skepnur borði.

Orðið að "éta" var lengi ráðandi í íslensku máli en svo fannst einhverjum það ekki nógu virðulegt orð og þá varð til orðið að "borða". Hún er dregin af borðinu sem setið er við þegar menn éta. Hins vegar lifir þetta góða gamla orð góðu lífi í norrænum málum, enn tala Svíar um að "eta" mat og skammast sín ekki fyrir.

Ég get engan veginn fellt mig við að nota orðið að "borða" um þann verknað þegar dýr éta. Pempíuhátturinn sækir á, afar sjaldan er umræða um æti fiska eða fugla, það er auðvitað miklu virðulegra að tala um að fæðu dýra.

Athugasemdir

[Margrét Sig (IP-tala skráð) 29.7.2010 kl. 11:35]

Alveg rétt Sigurður. Skepnur éta eða gleypa matinn.En menn borða þegar setið er til borðs. Í vegavinnu átu menn,eða gleyptu í sig matinn. Yngra fólki finnst það töff að segja að hvalur eða krókódíll BORÐI........meira grínið það.