Björn Lomborg gengur í lið skattheimtumanna

Það er víst til lítils að ræða loftslagsmál lengur, svo rækilega er búið að "trylla lýðinn" lesist pólitíkusa heimsins með því endemisbulli að maðurinn sé þess megnugur að hækka hita á hnettinum. Mannskepnan hefur aldrei, sem betur fer, verið fær um slíkt og er þess vegna með öllu ófær um að lækka heimshitann að sjálfsögðu.

Björn Lomborg, danskur hagfræðingur, var lengi einn af þeim sem hélt fram heilbrigðri skynsemi í loftslagsmálum en hefur nú snúist á sveif með "stóra apparatinu", Loftslagsnefnd Sameinuðu þjóðanna, en segist hins vegar ekki hafa skipt um skoðun! En það liggja miklir peningar í  "stóra apparatinu" sem hefur ekki hikað við að falsa vísindaniðurstöður. Þar má nefna Hokkýstafinn sem falsarin Michael Mann skapaði en hefur nú orðið að draga til baka og viðurkenna fölsun sína og sá yfirgengilega fráleiti spádómur að allir jöklar Himalaja verði bráðnaðir 2035 og hundruðir milljóna manna verði vatnslausar á Indlandsskaga! Loftslagsnefnd Sameinuðu þjóðanna hefur orðið að viðurkenna að þessi kenning er ekkert annað en bull og fals.

Meðalhiti í heiminum hefur á þeim tíma sem þessi hnöttur hefur verið byggilegur ýmist hækkað eða lækkað og orsakirnar eru nær alfarið frá sólinni, þó hefur það áhrif hvar jörðin er í Vetrarbrautinni, hnötturinn er á stöðugri hreyfingu í Vetrarbrautinni, á ekki einhvern fastan punkt þar.

Það eru miklir hlutir að gerast í sólinni núna og þær miklu hræringar munu standa allt fram á árið 2012. Þessar hræringar hafa mikil áhrif á hnettinum, þangað má rekja ójafnvægið; skógarelda á vissum svæðum jarðarinnar en gífurleg flóð á öðrum, fellibylji, eldgos og jarðskjálfta.

Athugasemdir

[Sveinn Atli Gunnarsson, 1.9.2010 kl. 10:38]

Það stendur ekki steinn yfir steini í þessari færslu hjá þér. Prófaðu nú aðeins að kynna þér málin betur:

Í fyrsta lagi, þá Björn Lomborg er tölfræðingu, það er auðvelt að finna út úr því ef þú hefur áhuga á því. Ekki veit ég hvort að þetta er alger kúvending hjá honum, en allavega einhver stefnubreyting þó.

Númer 2, þeir vísindamenn sem vinna fyrir loftslagsnefndina gera það án borgunnar frá nefndinni. Loftslagsnefndin stundar ekki rannsóknir og falsar því ekki niðurstöður...

Númer 3, Michael Mann hefur ekki þurft að draga hokkýkylfuna til baka...hvernig fékkstu það út...enda um eina af fleiri en einni rannsókn sem sýna svipaða niðurstöðu.

Númer 4, jú það voru gerð mistök í skýrslu IPCC, í þessum 3000 bls. var ein áberandi villa hjá Vinnuhópi II, vinnuhópur I sem skoðar hina vísindalegu nálgun var með þetta rétt, sjá t.d. hér.

Númer 5, IPCC hefur ekki talað um að gróðurhúsakenningin sé bull og fals.

Númer 6, þá telja vísindamenn að gróðurhúsalofttegundir hafi áhrif á hitastig og nú er t.d. eitt hlýjast skeið síðan mælingar hófust, þrátt fyrir ládeyðu í sólinni.

Númer 7, Hvaða heimildir hefur þú fyrir því að sólin valdi, eins og þú velur að orða það, "skógarelda á vissum svæðum jarðarinnar en gífurleg flóð á öðrum, fellibylji, eldgos og jarðskjálfta"? - Er þetta ekki byggt á hindurvitnum...?

S.s. það er ekki heil brú í þessari nálgun hjá þér.

[Sigurður Grétar Guðmundsson, 1.9.2010 kl. 11:18]

Eins og mér datt í hug; með því að taka sterkt til orða er hægt að seiða yrðlingana út úr greninu. Ég ætla ekki að elta ólar við margt sem þú segir núna Svatli en Björn Lomborg er ýmist nefndur tölfræðingur eða hagfræðingur, stundum hvorutveggja.

Þýðir ekkert að halda hlífiskyldi yfir Michael Mann, hann var sannur að fösunum með Hokkýkylfuna, get dregið fram tilkynningu frá DMI þar um, kylfan er yfirlýst fölsun.

Hvar hef ég sagt að IPCC haldi fram að gróðurhúsakenningin sé bull og fals? Þvert á móti hefur IPCC safnað saman öllu bullinu til að sanna það og síðan heilaþvegið stjórnmálamenn eins og Stoltenberg og Ólaf Ragnar forseta o. fl. að ekki sé minnst á Al Gore.

Það er hægt að nefna falsanir "mistök", vissulega stundar IPCC ekki sjálfstæðar rannsóknir en frá IPCC streyma miklar fjárhæðir til  rannsóknarstofnana og háskóla.

Er þetta ný tíðindi fyrir þig að sólin hafi í gegnum ár og árþúsund haft áhrif á  "skógarelda á vissum svæðum jarðarinnar en gífurleg flóð á öðrum, fellibylji, eldgos og jarðskjálfta"?

Hverjir byggja heilar brýr?

[Sveinn Atli Gunnarsson, 1.9.2010 kl. 11:31]

Komdu með heimildir fyrir þessari brúarsmíð þinni (mér þætti fróðlegt t.d. að lesa yfirlýsingu DMI - Danmarks Meteorologiske Institute varðandi hokkíkylfuna)...það stendur ekki steinn yfir steini í þessari nálgun þinni.

Sólin hefur áhrif á hitastig í heiminum, þó ekki sé talið að núverandi hlýnun sé hægt að rekja til hennar, heldur er hún talin vera af völdum aukningar gróðurhúsalofttegunda í andrúmsloftinu, sjá t.d. hér.

[Viggó Jörgensson, 1.9.2010 kl. 12:37]

Þú ættir að halda þig við húshitunina Sigurður Grétar. 

Þó þú sért ágætur pípulagningarmeistari ertu að færast hér of mikið í fang að þykjast hafa vit á upphitun jarðar.

[Sigurður Grétar Guðmundsson, 1.9.2010 kl. 12:58]

Svatli, þú spurðir um heimildir fyrir því sem ég sagði um að stórir atburðir væru að gerast í sólinni. Þann dag sem þú getur sýnt mér fram á það óyggjandi með vísindalegum rökum að maðurinn sé með gjörðum sínum að auka meðalhita á jörðinni skal ég segja þér hvað heimildir ég hef.

Viggó, hafa þeir einir sem halda því fram að maðurin  sé með sínum gjörðum að auka meðalhita á jörðinni vit á upphitun jarðar? Mega ekki aðrir sökkva sér niður í þessi fræði?

[Sveinn Atli Gunnarsson, 1.9.2010 kl. 13:15]

Ég spyr um heimildir, vegna þess að þú hefur ekki fyrir vana þinn að geta þeirra. Þú getur skoðað loftslag.is, þar er getið heimilda í flestum tilfella varðandi þau gögn sem þar eru, þannig að þú getur sökkt þér í það að skoða heimildir þar.

Það er að mínu mati gott mál að fólk vilji sökkva sér í þessi fræði, en það er þó lágmark að fólk geti heimilda, allavega þegar um er beðið og í tilfellum þar sem fullyrðingarnar virðast vera alveg út úr korti. Það væri fróðlegt að fá t.d. gögn, hjá þér Sigurður Grétar, varðandi það hvernig sólin á að hafa áhrif á eldgos og jarðskjálfta á næstu árum, eins og haldið er fram í færslunni hér að ofan...því það virkar á mig eins og hindurvitni.

[Ágúst H Bjarnason, 2.9.2010 kl. 07:01]

Varðandi menntun Björns:

"Lomborg spent a year as an undergraduate at the University of Georgia, earned an M.A. degree in political science at the University of Aarhus in 1991, and a Ph.D. degree in political science at the University of Copenhagen in 1994.

He lectured in statistics in the Department of Political Science at the University of Aarhus as an assistant professor (1994–1996) and associate professor (1997–2005). He left the university in February 2005 and in May of that year became an Adjunct Professor at Copenhagen Business School."

Ég sé ekki betur en rétt sé að kalla hann stjórnmálafræðing. Hann hefur reyndar  haldið fyrirlestra í tölfræði við stjórnmáladeild háskólanns í Árósum.

http://en.wikipedia.org/wiki/Bj%C3%B8rn_Lomborg

[Sæmundur Bjarnason, 2.9.2010 kl. 07:31]

Ég held að því fari fjarri að hlutirnir séu bara hvítir eða svartir þarna. Báðir hafa nokkuð til síns máls. Ég álít hlut mannsins í þeirri hnatthlýnun sem hægt er að benda á ekki að fullu sannaðan. Mannkynið hefur undanfarnar aldið farið illa með náttúruna. Ef hnatthlýnunin er af mannavöldum er samt of seint að gera eitthvað "einhvern tíma seinna." Betra er að fara varlega og láta náttúruna njóta vafans en gallinn er sá að það bitnar á þeim þjóðum sem dregist hafa aftur úr.

[Sæmundur Bjarnason, 2.9.2010 kl. 07:32]

aldið á að sjálfsögðu að vera aldir.

[Ágúst H Bjarnason, 2.9.2010 kl. 07:33]

Svo maður hafi þetta líka á dönsku:

http://www.lomborg.com/about/danish_biography/

Bjørn Lomborg blev født d. 6. januar 1965.
M.A. I Statskundskab, 1991
Ph.d. ved Instituttet for Statskundskab, Københavns Universitet, 1994
Assisterende professor ved Instituttet for Statskundskab, Århus Universitet, 1994-1996.
Associate professor ved samme institut, 1997-2005
Direktør ved Danmarks Institut for Miljøvurdering, Februar 2002-Juli 2004
Organisator af Copenhagen Consensus. Prioritering af de bedste muligheder ved verdens største udfordringer, Maj 2004.
Adjunkt Professor ved Copenhagen Business School 2005-Nu.
Direktør ved Copenhagen Consensus Center 2006-Nu.

[Sveinn Atli Gunnarsson, 2.9.2010 kl. 09:13]

Ágúst, ætli það sé ekki alveg rétt hjá þér að stjórnmálafræði lýsi ekki ágætlega menntun Lomborg.

Sæmundur, það er nú svo að vísindamenn útiloka ekki náttúrulega þætti og eru mjög meðvitaðir um þá, þú getur skoðað nánar um það t.d. hér, þar sem rætt er um loftslagsbreytingar fyrri tíma og þá þætti sem talið er að hafi valdið þeim, en samt sem áður benda vísbendingarnar í átt að því að núverandi hlýnun sé vegna aukins styrks gróðurhúsalofttegunda. En það hvernig á að nálgast það að finna lausnir þannig að öllum líki og er réttlátt gæti þó orðið þrautinni þyngra.

Nálgun Sigurðar hefur að mínu mati, lítið með vísindalega nálgun að gera og það er of mikið af villum í hans málflutningi, samanber mína fyrstu athugasemd.