Þetta er reginhneyksli, geirfugl er líkur geirfugli

Þessi fugl er því miður  útdauður vegna græðgi mannskepnunnar. Suðurnesjamenn vildu heiðra minningu þessa horfna fugls og reistu honum minnisvarða, styttu þar sem reyndar eiga a koma fleiri styttur af útdauðum fuglum.

En þá verður allt vitlaust. Það kemur í ljós að styttan af geirfugli á Suðurnesjum líkist styttu af styttu af geirfugli í Reykjavík. Þetta er þegar talið af sérfræðingum sem hugverkastuldur. Þannig hlýtur geirfuglinn á Suðurnesjum eiga að líkjast einhverju allt öðrum fugli en útdauðum geirfugli, var ekki hægt að hafa hrafn eða grágæs sem fyrirmynd til að komast hjá hugverkastuldi?

Þetta hlýtur að leiða til þess að enginn listamaður má birta styttu af geirfugli framar.

Og af hverju?

Vegna hættunnar á að geirfuglsstyttan líkist geirfugli og þar með geirfuglsstyttunni í Reykjavík.

Stundum gera listaverkafræðingar sig að athlægi. Ég legg til að Suðurnesjamenn fjarlægi hið snarasta styttuna af geirfuglinum og reisi á staðnum styttu af "listaverkafræðingnum" Knúti Brun, þetta getur veri smástytta, svona í geirfuglsstærð. En þá skal enginn dirfast að gera styttu af Knúti Brun og stilla henni upp, hún gæti líkst Knúti Brun og er þar með hugverkastuldur!

Athugasemdir

[Ágúst H Bjarnason, 6.9.2010 kl. 11:55]

Hér er fyrirmyndin að báðum styttunum:

http://www.ni.is/midlun-og-thjonusta/tegund_vikunnar/nr/913

Líkjast ekki báðar stytturnar fyrirmyndinni? Er það ekki synd og skömm?

[Kristinn Pétursson, 6.9.2010 kl. 14:09]

Það er bara  órökstutt kjaftæði að það sé "græðgi mannsskepnunnar" sem er orsakavaldur að "hruni geirfuglsins".

Það gat hafa komið upp hungur - kuldi - eða pestir - og stundum er bara komið "time" á sumar lífverur.  Það er útilokað að mannsskepnan hafi drepið síðustu fuglana - gjörsamlega útilokað.  Það voru Geirfuglar á Kolbeinsey fyrir norðan líka - hverjir áttu  að róa þangað og drepa síðast fuglinn... Glætan!

Allar fullyrðingar um  hve "mannsskepnan" sé voðaleg - stenst ekki - að þessu leyti.

En að horfa á  náttúrulífsmyndir  frá David Attenboroug þar sem hvalir eru  myndaðir við að "éta upp" alla síld - og þá er þetta svo "voðalega krúttlegt" - en ef maðurinn væri að þessu þá er það "rányrkja".....

en.... hver er munurinn??

Það er  alveg ein líklegt að háhyrningar hafi étið upp síðustu geirfuglana - þeir færu léttar með það en nokkrir íslenskir menn á árabátum....

[berglind h.ólafsdóttir (IP-tala skráð) 6.9.2010 kl. 14:41]

Góðan dag. 

Ég veit ekki betur en fyrir mörgum árum síðan hafi  faðir minn, Ólafur Guðmundsson, gerðt eftirmynd af geirfugli og er sá fugl á Hvalasafninu á Húsavík. Því þykir mér þetta tal allt hálf svona skrítið.

Kær kveðja.

[Gunnar Heiðarsson, 6.9.2010 kl. 19:28]

Tengdafaðir minn gerði eftirmynd af hundi, nánar tiltekið blending af Labrador og Golden Retriver. Ég vil því vara alla listamenn við og bið þá um  að láta sér ekki detta í hug að gera neinskonar eftirmynd af slíkum hundi. Ef einhver lætur þessi orð mín sér í léttu rúmi liggja og gerir eftir sem áður slíka eftirmynd, bendi þeim hinum sama á að passa sig á því að Knútur Bruun sjá aldrei það listaverk! Það gæti kostað málaferli!

[Gunnar Heiðarsson, 6.9.2010 kl. 19:30]

Þetta Geirfuglamál er ótrúlegt og enn ótrúlegra að listamenn og listfræðingar skuli láta draga sig inn í þett rugl. Eins og þú bendir á Sigurður Grétar, þá er Geirfugl Geirfugl og erfitt að gera mynd af honum öðru vísi!

[Hjalti Tómasson, 7.9.2010 kl. 01:16]

Ég held að menn séu að misskilja þetta.

Eins og listakonan benti svo smekklega á í sjónvarpsviðtalinu þá er það bara kjánalegt að Suðurnesjamenn skuli taka þátt í umhverfisverkefni þar sem þeir séu á sama tíma að berjast fyrir atvinnumöguleikum sínum með því að vilja fá t.d eitt álver eða svo. Verra er þó að strax í vor var listamanninum erlenda bent á að verk hans væri sláandi líkt geirfugli. Hann lét samt ekki segjast og situr nú uppi með þá skömm að hafa gert höggmynd af geirfugli sem líkist geirfugli.

Allt hugsandi fólk veit að svona gengur ekki.

Auðvitað eiga svona umhverfisvænir og náttúruelskandi listamenn eins og Ólöf að eiga einkarétt á að gera höggmyndir af útdauðum dýrum en ekki einhverjir útlendir durgar sem ekki eiga að vita hvernig geirfugl lítur út og eru eru í þokkabót launaðir af umhverfissóðum og óvinum íslenskrar náttúru.

Þetta fellur að rétttrúnaðarhugsuninni að íslenskir listamenn hafi einkarétt á ást á íslenskri náttúru.

[Kristján P. Gudmundsson, 13.9.2010 kl. 07:35]

Sigurður Grétar, Knútur Bruun, var aðal frumkvöðull að stofnun MYNDSTEFS árið 1991. MYNDSTEF er hagsmunasamtök þeirra, sem eiga eða fara með höfundarrétt á hvers konar myndverkum. Það að koma Myndstefi á laggirnar hafðist ekki baráttulaust, og sú barátta tók mörg ár.

Féglagar Myndstefs eru flestir hverjir þakklátir Knúti Bruun fyrir hans innlegg í réttindabaráttu þeirra, og þú átt þakkir skyldar fyrir þá ágætu hugmynd, að einhver(jir) þeirra geri styttu (eða brjóstmynd) af Knúti Bruun.

Með kveðju úr Fjallabyggð, KPG.

Ps.:Það hafa allir rétt á að gera mynd (styttu) af geirfugli (og fleiri fuglum), en um staðsetningu og frágang þeirra í umhverfinu gilda reglur, sem ekki má brjóta. Kv.:KPG