Ég hef boðið mig fram til Stjórnlagaþings

Ég var að koma frá pósthúsinu hér i Þorlákshöfn, sem er reyndar með afgreiðslu hjá Landsbankanum, og póstlagði framboð mitt til Stjórnlagaþings með 44 meðmælendum. Ég mun bráðlega ræða ýmis atriði sem mér finnst að þyrfti að ræða vandlega á Stjórnlagaþinginu og þá gætu ef til vill orðið nokkur málefnaleg skoðanaskipti.

Athugasemdir

[Sigurður (IP-tala skráð) 12.10.2010 kl. 23:31]

Hafðu málefnin mörg og skýr, nafni, svo að það verði alveg ljóst, að atkvæði greitt þér sé ekki atkvæði greitt Samfylkingunni. Þá skal ég athuga þau með opnum huga.

[Sigurður Grétar Guðmundsson, 13.10.2010 kl. 09:06]

Ég hef hér á blogginu ekki verið að hlífa Samfylkingarmönnum og konum frekar en annarra flokka fólki ef mér hefur fundist gjörðir þeirra ámælisverðar. Ef ég næ kjöri á Stjórnlagaþing mun ég gera allt sem í mínu valdi stendur til að hamla áhrifum stjórnmálaflokka og stjórnmálafla á þinginu.

Vona að þú fylgist með því sem kemur frá mér á blogginu en það er sá eini vettvangur sem ég sé að ég hafi aðgang að til að setja fram skoðanir mínar varðandi gerð nýrrar stjórnarskrár.