Skiptir engu hvað Mervyn King seðlabankastjóri Bretlands sagði við Davíð, hann hafði ekkert umboð til að gefa neinn afslátt af því að við bærum áby ábyrgð á Icesave skuldinni

Meiri undrun vekur að Davíð Oddsson seðlabankastjóri Íslands skuli leyfa sér að hljóðrita samtal við stéttarbróður sinn en það er skylda í öllum samskiptum rafrænt, á netinu og einnig í síma, að láta viðmælandann vita að viðtalið sé tekið upp eða hljóðritað. Ekki vekur það minni furðu það sem kom í fréttum RÚV í morgun að ein af nefndum Alþingis sé búin að fá þetta samtal í útskrift. Strax eru Alþingismenn farnir að ræða innihald samtalsins en segja svo í öðru orðinu að auðvitað séu þeir bundnir þagnarskyldu!

Hvað skyldi sú þagnarskylda halda lengi?

Var samtalið birt með samþykki Mervyn King eða blásum við á allar samskiptareglur og lágmarks kurteisi?

Athugasemdir

[Dagga (IP-tala skráð) 25.1.2011 kl. 11:28]

Þú ert nú meiri undirlægjan! Vonandi ekki of mörg eintök af þér á landinu.

[Flosi Kristjánsson, 25.1.2011 kl. 11:36]

Er nokkur ástæða til að hneykslast yfir þessu máli fyrr en menn vita hvað fjallað var um í samtalinu? Við vitum vel að Davíð Oddsson átti það til að dramatísera hlutina, eins og góð manneskja komst að orði á sínum tíma. Gæti ekki sama dæmið verið í gangi núna og karlinn heldur spilunum þétt að brjósti sér að hætti góðra pókerspilara

[Guðmundur Ingi Kristinsson (IP-tala skráð) 25.1.2011 kl. 19:59]

Hvað áttu við með að segja við berum ábyrgð á braski manna sem ráku einkafyrirtæki í þrot.

[Jón Steinar Ragnarsson, 26.1.2011 kl. 02:26]

Þér finnst þá líklega að við ættum að leita allra leiða til að reyna að fá að borga þetta upp í topp, ekki öfugt?  Þú ert ekki með fullum fimm held ég. Reyndu að kynna þér málið.

[Axel Jóhann Hallgrímsson, 26.1.2011 kl. 02:55]

Það hvarflar ekki að mér eitt andartak að það sé ekki löngu viðtekin venja, hvar sem er í heiminum að  hljóðrita samtöl sem þessi, án þess að þess sé sérstaklega getið. Væri ekki allt annað arfavitlaust þegar milljarða hundruð liggja undir.

Það er grunnhyggja að telja annað en þetta sama samtal sé til á spólu suður í Englandsbanka þótt Mr. Oddson hafi ekki verið látinn vita af því sérstaklega að rödd hans væri tekin til minja.

Það væri ef til vill auðveldara að fá hljóðritunina úr Englandsbanka en úr Seðlabankanum, þar sem það er jafnvel gert að leyndarmáli hver var síðast sendur út á pósthús til að kaupa frímerki.

[Sigurður Grétar Guðmundsson, 27.1.2011 kl. 22:32]

Dagga, það er viðtekin venja þeirra sem ekki treysta sér til að rökræða mál að ráðast persónulega á þann sem setur fram eitthvað sem annar aðili er ósammála. Þú svarar  mér ekki á nokkurn hátt persónulega heldur ræðst á mig fyrir að vera "undirlægja", ekki veit ég hvers, það kemur hvergi fram. Enda er mér alveg sama hvað þú átt við, veist þú  það sjálf?

Jón Steinar, þú fellur í sama pyttinn, engin rök segir hinsvegar aðeins  Þú ert ekki með fullum fimm held ég. Satt best að segja varðar mig ekkert um hvaða álit þú hefur á mér, hins vegar dapurlegt að geta ekkert sagt málefnalega. Ég þekki þig ekkert en þangað til ég kynnist þér nánar, ef einhverntíma verður, þá tel ég þig vera með fullu viti þó oft séum við ósammála.

Guðmundur Ingi, þú segir: Hvað áttu við með að segja við berum ábyrgð á braski manna sem ráku einkafyrirtæki í þrot.

Hvar segi ég það í ofangreindum pistli mínum?