Heimsendaspámaðurinn Al Gore predikar í Tromsö

Það eru ógnvekjandi spádómarnir sem koma frá Al Gore og hans fylgifiskum á ráðstefnu í Tromsö í Noregi. Norðurskautsísinn er að bráðna og búast má við að yfirborð sjávar hækki um 1,5 m á þessari öld!!!. Ég bar fram þá spurningu í bloggi nýlega hvað yfirborð sjávar mundi hækka ef allur ís á Norðurskautinu mundi bráðna. Svo virðist sem enginn treysti sér til að svara svo ég ítreka spurninguna þar sem á blogginu eru þó nokkrir "Al Gore spekingar".

En Bandaríski herinn kannar stöðugt þykkt íssins á Pólsvæðinu. Það gera þeirra vísindamann með því að láta mælistöðvar reka með ísnum og mæla m. a. þykkt hans stöðugt. Samkv. uppl. frá þeim mælistöðvum hefur ísinn við Pólinn þykknað um 1 meter frá síðasta ári.

Þýskir vísindamenn frá Alfred Wegener stofnuninni í Bremen mæla þykkt íssins frá flugvélum. Þeir hafa kannað hann nú í apríl og bjuggust við að hann væri um 2 metrar. Þeim til furðu kom í ljós að hann er á ákveðnum svæðum 4 metrar.

Athugasemdir

[Loftslag.is, 29.4.2009 kl. 10:59]

Ég skal svara því - yfirborð sjávar hækkar nánast ekkert við bráðnun hafíss (reyndar eitthvað smávegis - sjá hér).

Merkilegt að þú skulir að þú skulir vera að tala um að hafís sé að þykkna- en í fyrra hafði hann aldrei í sögu mælinga verið jafn þunnur - auðvitað þykknar hann yfir veturinn. Skoðaðu þessa síðu.

Aftur á móti hækkar yfirborð sjávar vegna hlýnunar sjávar (hlýr sjór hefur meira rúmmál en kaldur sjór) og vegna bráðnunar jökla. Síðustu ár hefur sjávarborð hækkað um tæpan 1 sm á ári. Það er sirka 1 m á öld. Við það getur bæst aukin bráðnun á Grænlandsjökli (og mögulega Suðurskautinu - þar er meiri óvissa), svo 1,5 m er mjög varlega áætlað.