Pólarísinn er ekki að hverfa, hann eykst

Flatarmál Pólaríss sl. 7 ár:

1. sept. 2002 = 5.810.000 km2             1. maí 2003 = 12.851.094 km2

1. sept. 2003 = 6.218.125 km2     1. maí 2004 = 12.440.156 km2

1. sept. 2004 = 5.893.594 km2             1. maí 2005 = 12.696.406 km2

1. sept. 2005 = 5.649.531 km2             1. maí 2006 = 12.341.250 km2

1. sept. 2006 = 5.993.438 km2             1. maí 2007 = 12.627.813 km2

1. sept. 2007 = 4.610.938 km2      1. maí 2008 = 12.865.156 km2

1. sept. 2008 = 4.957.656 km2           29. apr. 2009 = 13.160.938 km2

 Af þessu má sjá að flatarmál Pólariss hefur aldrei verið meira sl. 7 ár en einmitt nú eins og sjá má af síðustu mælingu. Auk þess kemur fram á mælingum Bandaríska hersins á þykkt íssins að hann er 1 meter þykkari nú við Norðurpólinn, apr. 2009, en hann var í apr. 2008.    

Um hvaða bráðnun er Al Gore að predika í Tromsö?

Heimild: Japan Aeorospace Exploration Agency

Mælingar eru gerðar daglega meðgervihnetti.

Athugasemdir

[Loftslag.is, 30.4.2009 kl. 11:36]

Einu niðurstöðurnar sem þú getur mögulega fengið með þessum samanburði er það að í apríl mánuði í ár er hann að bráðna hægar en á sama tíma síðastliðin ár.

Aðal bráðnunin er á sumrin og í fyrra var útbreiðslan næstminnst frá upphafi mælinga (auk þess sem hann var þynnstur frá upphafi mælinga).

Þessi yfirlýsing þín, gæti því orðið nokkuð vandræðaleg fyrir þig þegar líður á sumarið, sérstaklega þar sem hann er þynnri nú en undanfarin ár (á því auðveldar með að bráðna) og því líklegt að útbreiðsla hans verði frekar lítil í lok sumars 

[Ágúst H Bjarnason, 30.4.2009 kl. 12:52]

Sjá umfjöllun um málið hér:

What is Normal Arctic Ice Extent

og jafvel hér:

Ice at the North Pole in 1958 and 1959 - not so thick og eldra hér á síðu John Daly sem lést 2004.  Svona íslítil tímabil virðast  hafa komið áður. 

[Sigurður Grétar Guðmundsson, 30.4.2009 kl. 13:19]

Hr. Sápubox. Það eru engin tíðindi fyrir mig að bráðnunin sé á sumrin. Ekki veit ég hvaða yfirlýsing getur orðið vandræðaleg fyrir mig þegar líður á sumarið, það sem ég sýndi í mínu bloggi voru mælingar á stærð íshellunnar síðustu 7 árin, ég var aðeins að koma staðreyndum á framfæri. Það sem vekur athygli mína þegar þessar tölur eru skoðaðar er það hvað ísbreiðan er "stabíl" það eru sáralitlar breytingar frá ári til árs, það er einnig athyglisvert að íshellan hefur í engri mælingu verið stærri en í þeirri síðustu frá því í gær, 29. apríl 2009.

Þú vildir kannski skýra fyrir mér og fleirum hvernig hægt er að lesa hraða bráðnun íshellunnar út úr þessum staðreyndatölum. Hjörleifur Guttormsson sagði   í Sjónvarpinu gær að það væri skammt í það að íshellan bráðnaði með öllu og þá yrði sú "skelfing" staðreynd að unnt yrði að komast að mestu birgðum olíu og gass sem enn eru óunnar úr jarðskorpunni.

Ég held að ég hafi verið búinn að koma því á framfæri að  ég vil fá sannanir fyrir því að það verði um samfellda hnattræna hlýnun að ræða út alla öldina? Á hverju byggist sá spádómur? Einhvernvegin finnst mér að þú sért þar með stóra sannleik í farteskinu.

Fram til þessa er árið 2002 það heitasta, þau sem á eftir koma sýna nánast óbreytt hitastig eða fallandi.

Þakka Ágústi fyrir hans ábendingar, á eftir að skoða þ.ær nánar

[Loftslag.is, 30.4.2009 kl. 16:41]

Fyrirgefðu Sigurður, en ef ég sé villu í málflutningi þá leiðrétti ég hana - þetta er ekki illa meint á neinn hátt. 

En punkturinn er að hafísinn er ekki að aukast, nema kannski í samanburði við akkúrat sömu dagsetningar á síðustu árum. Þetta er nánast eins og að koma með fullyrðingu um það að jökull sé að stækka af því að á einhverju tímabili á vori þá er meiri snjór á jöklinum en á árunum á undan. Það kemur ekki í ljós fyrr en að lokinni sumarbráðnun hvort breytingar séu einhverjar af viti.

Einn punktur: Ekki rugla saman íshellum og hafísbreiðum - tvennt ólíkt (en það er aukaatriði).

Þú segir: "það er einnig athyglisvert að íshellan hefur í engri mælingu verið stærri en í þeirri síðustu frá því í gær, 29. apríl 2009."

Þetta er einfaldlega röng fullyrðing. Skoðaðu línuritið sem þú bendir á og þá sérðu að öll árin árin á undan hafa á einhverjum tímapunkti verið með stærri hafísbreiðu en var í gær. Þú verður að breyta þessari setningu eitthvað til að ég geti rætt þetta betur við þig.

Þú spyrð: hvernig er hægt að lesa hraða bráðnun íshellunnar út úr þessum staðreyndatölum.

Nú með því að lesa línuritið rétt. Eina sem þetta línurit segir okkur nú, er að bráðnunin í aprílmánuði nú, er minni en bráðnunin í aprílmánuði undanfarin 7 ár. 

Þú spyrð: Ég held að ég hafi verið búinn að koma því á framfæri að  ég vil fá sannanir fyrir því að það verði um samfellda hnattræna hlýnun að ræða út alla öldina? Á hverju byggist sá spádómur?

Ef þig vantar að fræðast um þessi mál í fullri alvöru, þá myndi ég  byrja á því að lesa bókina Gróðurhúsaáhrif og Loftslagsbreytingar eftir Halldór Björnsson. Einnig er Ritið 2/2008 mjög gott. Svo er til skýrsla um áhrif hnattrænna loftslagsbreytinga á Íslandi (pdf 10 mb).

Ég myndi forðast að lesa Wattsupwiththat síðuna sem Ágúst bendir á - ég hugsa að jafnvel efasemdamenn geti ruglast í trúnni með því að skoða þá síðu. Eina stundina bendir þessi gaur á að það sé ekki að hlýna, næstu stundina bendir hann á greinar sem segja að það sé að hlýna - en ekki af mannavöldum. Þarna er allt tínt til og öllu tjaldað, jafnvel upplýsingum sem búið er að hafna vegna skorts á gögnum. Honum virðist vera alveg sama, bara ef klapplið hans er ánægt (þeir sem koma með athugasemdir á síðuna hans).

[Ágúst H Bjarnason, 30.4.2009 kl. 18:51]

Þessi "gaur" Antony Watts  er veðurfræðingur.

Antony segir m.a um sjálfan sig:

"While I have a skeptical view of certain issues, I consider myself “green” in many ways, and I promote the idea of energy savings and alternate energy generation. Unlike many who just talk about it, I’ve put a 10KW solar array on my home, plus a 125 KW solar array on one of our local schools when I was a school trustee. I’ve retrofitted my home with CFL’s and better insulation, as well as installed timer switches on many of our most commonly used lights.

I also drive an electric car for my daily around town routine.

I encourage others to do the same when it comes to efficient use of energy and energy conservation".


Það er reyndar Steven Goddard sem skrifar pistilinn um "What is Normal Arctic Ice Extent" og ferlarnir sem hann birtir eru frá "Nansen Environmental and Remote Sensing Cente" í Noregi  og "National Snow and Data Center -NSIDC" í Bandaríkjunum. Ég fæ ekki séð að neitt ofsagt sé í þessum pistli þar sem verið er að bera þessa ferla saman.

-

Hinn pistillinn sem ég vísaði á "Ice at the North Pole in 1958 and 1959 - not so thick" er fyrst og fremst myndir frá Bandaríkjaher og sýna hvernig umhorfs var þegar kafbátar silgdu til Norðurpólsins, svo og frásögn bátsverja. Til dæmis þessi frásögn frá 1959:

"The Skate found open water both in the summer and following winter. We surfaced near the North Pole in the winter through thin ice less than 2 feet thick. The ice moves from Alaska to Iceland and the wind and tides causes open water as the ice breaks up. The Ice at the polar ice cap is an average of 6-8 feet thick, but with the wind and tides the ice will crack and open into large polynyas (areas of open water), these areas will refreeze over with thin ice. We had sonar equipment that would find these open or thin areas to come up through, thus limiting any damage to the submarine. The ice would also close in and cover these areas crushing together making large ice ridges both above and below the water. We came up through a very large opening in 1958 that was 1/2 mile long and 200 yards wide. The wind came up and closed the opening within 2 hours. On both trips we were able to find open water. We were not able to surface through ice thicker than 3 feet.”

 

Þess má geta að vefsíða Antony Watts hlaut árið 2008 titilinn "Best science blog".

Ég mæli með vefsíðu Antony Watts og ekki síður annarri vefsíðu hans www.surfacestations.org.

-

Svo má að skaðlausu vísa á fróðlega vefsíðu loftslagsfræðingsis Dr. Roy Spencer,     www.drroyspencer.com