Dómsdagur er í nánd segir World Wildlife Fund

Það er hrikaleg frétt í Fréttablaðinu í morgun. Það lítið hægt að segja við því að fjölmiðlar flytji slíkar fréttir. Hins vegar get ég sagt út frá þeirri þekkingu sem ég ef aflað mér að þessi"dómsdagsspá" er að nánast ekkert annað en enn ein skelfingarfréttin frá "alarmistum" sem ekki er byggð á vísindum heldur trúarhita, það skal ofan í lýðinn að maðurinn sé með sínum gjörðum að eyðileggja jörðina.

Sem betur fer er þetta litla peð, maðurinn, ekki með þá þekkingu og kraft til að vinna slíkt skemmdarverk. Því síður getur hann breytt neinu teljandi á jörðinni, allra síst að minnka magn koltvísýrings CO2 í andrúmslofti. Það er ekki hægt að neita því alfarið að maðurinn geti aukið magn CO2 en það er svo lítið að ekki skiptir máli. Nú er búið að reka flestar iðnvæddar þjóðir til að vinna gegn þessum meinta vágesti, CO2, með óheyrilegum kostnaði, skattlagningu og ekki síður að byggja heilu "skrímslin" til að vinna CO2 úr loftinu og festa niður í berglögum. Þó er vitað að það er sáralítið sem vinst í því að minnka magn CO2.

Hins vegar hefur þessi eindæma barátta gegn þessu lífsnauðsynlega gasi CO2 (það stendur undir öllum gróðri á jörðinni og sér okkur þar með fyrir súrefni) orðið til þess að athyglin beinist eingöngu þangað, allt annað virðist ekki skipta máli. Öll sú mengun sem er á jörðu niðri virðist gleymd, mengunin sem liggur í strætum borga, CO útblástu bíla (CO er ekki það sam og CO2) svifryk, allt það óhemjudrasl sem er hent í höfin, allt votelndið sem er eyðilagt,  svo mætti lengi telja.

Það er ekki í "tísku" að tala um annað en "loftslagsbreytingar af manna völdum".

Þær eru sáralitlar sem engar.

Athugasemdir

[Páll A. Þorgeirsson (IP-tala skráð) 14.5.2009 kl. 11:28]

Ég er mun rólegri eftir að hafa lesið greinina. 

Hvar kemst maður yfir þekkinguna varðandi þessa "ekki" dómsdagsspá, er hún nokkuð leyndó. 

[Sigurður Grétar Guðmundsson, 20.5.2009 kl. 10:53]

Páll, ég bendi þér eindregið á að fara inn á bloggið hans Ágústar H. Bjarnasonar verkfræðings, farðu inn á <agbjarn.blog.is>. Hjá honum er samankominn mikill fróðleikur settur fram af yfirvegun og þekkingu. Þar er að finna í fyrsta sinn hérlends að ég held skýringar á svo mjög athyglisverðum kenningum danans Henrik Svensmark sem er vísindamaður við Center for Sol-Klima forskning sem er deild í Danmarks Rumcenter. Þá er ekki síðra að lesa bók hans og Nigel Calder "The Chilling Stars" fæst hjá Amason á ensku eða á dönsku frá Gads Forlag (www.gads-forlag.dk) undir heitinu "Klima og Kosmos.