Það var miklu hlýrra á Sturlungaöld en í dag, það viðurkenna allir heiðarlegir vísndamenn

Hann Hilmar í Sápuboxinu er loksins búinn að viðurkenna að Hokkýstafurinn hans Michael Mann er röng vísindi, ég segi ekkert annað en fölsun. Hokkýstafinn bjó MM til svo hann gæti sannað að hitastig á jörðinni hefði ekki verið hærra á norðurhveli jarðar sl. 1000 ár en á síðustu árum frá aldamótum. Hann þurrkaði einnig út "Litlu ísöld" þegar frost voru svo ströng að Thamsá í London varð ísilögð.

Hér er samanburður á hinum fráleita Hokkýstaf og því sem sannast hefur verið talið miðað við gögn, sögur og annála. Af því má sjá að hitinn var mestur um 1200 en lægstur 1600 - 1700. Nú er Michael Mann búinn að viðurkenna sína fölsun og færa Hokkýstafinn nær hinum eldri gögnum. Þá er hann heldur ekki lengur neinn Hokkýstafur heldur verður honum kastað á ruslahaug vísindanna, því miður er sá haugur allt of stór.

 

Athugasemdir

[Loftslag.is, 14.5.2009 kl. 22:31]

Sigmar: Þú ert einstaklega skemmtilega málefnalegur maður. Ef það er einhver sem les þetta blogg, þá vil ég benda fólki á færsluna sem maðurinn er að vísa í - smelltu hér - því rétt skal vera rétt.

[Sigurður Grétar Guðmundsson, 14.5.2009 kl. 23:17]

Ef þú ert að ávarpa mig þá heiti ég Sigurður Grétar, ekki Sigmar. Ég er sammála þér, rétt skal vera rétt. Þess vegna birti ég þessi 2 línurit til samanburðar, annarsvegar fölsun Michaels Mann, Hokkýstafinn og það línrit sem allir sómakærir vísindamenn (og áhugamenn) vita og viðurkenna sem það sannasta sem menn hafa komist að um hitastig á Norðurhveli sl. 1000 ár.

Það er dapurlegt ein af undirstöðum niðurstaðna IPCC er Hokkýstafurinn, vísindaleg fölsun. Fyrir þetta ma. fékk IPCC og Al Gore Nóbelsverðlaunin.

[Loftslag.is, 14.5.2009 kl. 23:34]

Ef þú ert að ávarpa mig, þá heiti ég Höskuldur, ekki Hilmar.

Ég vil benda þér á að lesa meira heldur en áróðursmaskínur afneitunarsinna. Ég fer ofan í nokkur mótrök þeirra hér. Svo skaltu vita, að það er ekki góðs viti í vitlegri umræðu að leggja mönnum orð í munn eins og þú gerir í þessari færslu (og áður, meðal annars á minni bloggsíðu). Tregða þín til að hlusta á rök hefur einnig orðið til þess að það er ekki til neins að svara þér og benda þér á vísindalegar staðreyndir, því í þínum augum er bara einn sannleikur - það liggur við að það ljómi af þér einhvers konar trúarofstæki. Ef ég vil heyra eitthvað svipað og þú hefur fram að færa, þá stilli ég bara á Omega.

Gakktu hægt um gleðinnar dyr og inn í óvissuna.

Höski

[Sigurður Grétar Guðmundsson, 14.5.2009 kl. 23:51]

Þá veit  að þú heitir Höskuldur.  Ef nokkur er tregur til að hlusta á rök þá ert það þú. Það varst þú sem baðst um að vera í sambandi við mig, ekki öfugt. Líttu á það sem ég birti síðast. Sú var tíðin að ég var jafn trúaður á málflutning Al Gore og IPCC og þú en eftir að é fór að kynna mér málið þá sá ég að þar voru ekki vísindi heldur trú.

Það skyldi sanna fyrirfram ákveðnar niðurstöður. Það eru ekki vísindi því í stofnskrá IPCC stendur að starfið skuli beinast að því að "sanna" að maðurinn hafi með framferði sínu áhrif til hækkandi hita í heiminum. Það hefur ekki tekist að sanna það ennþá, það hefur hins vegar tekist að villa um fyrir fjölmörgum valdamiklum mönnum og stofnunum. Það mun leiða til mikilla ófara og sóunar á fjármunum. Það er alveg öruggt í mínum huga að í þessum málum öllum er ekki til einn sannleikur, þetta er miklu flóknara en svo að því geti nokkur maður haldið fram.

Ég hef ekkert við það að athuga að þú stillir á Omega ef þú telur þig hafa þörf fyrir það. 

[Loftslag.is, 15.5.2009 kl. 08:23]

Ég hlusta á rök - ég kem bara með mótrök sem þú getur ekki hrakið og þess vegna ertu svona fúll.

Þú kallar það rök að afneita því að það sé hlýnun - þrátt fyrir að síðustu sirka 10 ár séu þau heitustu frá upphafi mælinga og jafnvel þau heitustu síðustu þúsund árin og jafnvel síðustu milljón ár.

Þú segist kynna þér málin - en samt ertu einungis að apa upp rök sem hafa verið marghrakin, en eru alltaf tuggin upp aftur og aftur.

Á þessari síðu er yfirlit yfir þau mótrök sem ég hef skrifað um, en þau eru fleiri, ég hef bara ekki haft tíma til að skrifa um þau öll: http://loftslag.blog.is/blog/loftslag/entry/871823/

Ég var nú bara að grínast með Omega, ég nenni frekar að lesa þitt rugl heldur en það rugl sem birtist þar

[Loftslag.is, 15.5.2009 kl. 08:25]

Hokkístafurinn: http://loftslag.blog.is/blog/loftslag/entry/874227/

[Sigurður Grétar Guðmundsson, 15.5.2009 kl. 13:04]

Það er daðurlegt þegar menn eiga í vanda með að finna rök fyrir sínu máli að sá sem rætt er við sé fúll. Ég hef fram til þessa ekki verið talinn fúllyndur maður en ef það er þinn skilningur á því orði að það eigi við alla sem ekki eru á sama máli og þú séu fúlir þa er skilningur þinn á íslensku máli all sérkennilegur.

Þú neitar öllu, þú hefur stóra sannleik þín megin eins og Al Gore. Ég kom með öruggar mælingar frá Japanski vísindastofnun, sem mælir  víðáttu Pólaríss, þeir mæla daglega, það sýndi að ísbreiðan hefur ekki verið jafn víðáttumikil í apríl og nú. Jafnframt kom ég með staðreyndir frá Bandaríska hernum að þykkt pólaríss er óvenju mikil nú í apríl.

Allt saman bull og vitleysa segir þú. Ég vildi að ég hefði rangt fyrir mér, að það færi ekki kólnandi, frekar hlýnandi. Það væri vissulega hagstæðara fyrir okkur á norðurslóðum. En því miður; það er ekki á þann veginn.

Það er til lítils að rökræða við þá sem taka engum rökum heldur hafa snúið vísindum upp í trúarbrögð.

Þú mátt eiga Omega og alla hina söfnuðina með húð og hári, þú munt ekki hitta mig á neinum safnaðarfundum.