Hvernig eru hinir útvöldu bloggarar valdir?

Ég er búinn að vera samferða Morgunblaðinu æði lengi; sem áskrifandi, sem pistlahöfundur og nú bloggari um nokkurt skeið. Bloggið er vissulega merkilegt fyrirbæri þó ég hafi ekki séð jafn mikið bull í nokkrum fjölmiðli sem blogginu. En á milli eru ýmsar góðar ábendingar og sumir stunda yfirveguð og nokkuð innihaldsrík skrif.

En þegar slegið er á <blog.is> þá birtist fyrst aðgangur að einhverjum 8 útvöldum sem þá auðvitað verða þeir sem mest eru heimsóttir, þar fyrir neðan ýmsir sem hægt er að velja á mismunandi hátt.

En það sem vekur athygli mína er að þessir 8 útvöldu eru svo sannarlega útvaldir því líklega er þetta ekki nema 20 - 30 manna hópur sem nýtur þeirrar náðar að komast inn í þessa "elítu". Þess vegna koma þarna fyrir aftur og aftur sömu andlitin (eða merkin) og það sem er merkilegra; flestir sem þangað upp komast eru neikvæðir nöldrarar, svo virðist sem jákvæðni og bjartsýni eigi ekki upp á pallborðið þegar í "elítuna" er valið.

Nú kann einhver að spyrja; hefur þú sem þessar línur ritar aldrei komist í "elítuna" og svo er ertu þá ekki bar öfundsjúkur? Ég hef aldrei þangað upp komist, sé örstutt í smettið á mér stundum þegar ég skrifa pistil undir <nýtt blog> en er venjulega horfinn að kveldi eða morgni.

En eftir stendur spurningin: Hver velur og hvernig er "elíta þeirra átta valin"?

Líklega fæ ég aldrei svar við því. 

Athugasemdir

[Þórarinn Þ Gíslason (IP-tala skráð) 6.8.2009 kl. 10:26]

Sæll Sigurður Gr´tar.

Ja, nú veit ég ekki ,hvernig valið fer fram. Ég lít stundum á heimsóknarlistann og sé að ég er oft í listanum yfir 50 vinsælustu bloggarar. Meira að segja komist nokkru sinnum í 3 sæti og er oft í hópnum 10 vinsælustu.

OG ég hef aldrei verið í"Umræðunni ".

Enda er ég EKKI  að velta því fyrir mér.

 Meira er um vert að einhver líti á skrifin mans.

Gangi þér vel inn í "Umræðuna ".

Kveðja.

Kveðja

[Haraldur Hansson, 6.8.2009 kl. 10:57]

Ég sá þessar reglur einhvers staðar um daginn. Þar var nefnt: Lengd pistla, hversu oft er skrifað, málefnaleg efnistök, málfar og framsetning og eflaust eitthvað fleira sem ég ekki man.

Tekið var fram að skoðanir bloggara í einstökum málum skiptu ekki máli. Mér skilst að hægt sé að fá þetta hjá umsjónarmönnum bloggsins, svo þú átt að geta fengið svar.

[Ævar Rafn Kjartansson, 6.8.2009 kl. 14:50]

já það er von þú spyrjir. Hef ekki svarið en sýnist það ekki fara mikið eftir lestri.

[Mr. Jón Scout Commander (IP-tala skráð) 7.8.2009 kl. 13:05]

Viljið þið meina að það sé einhver "elíta "að velur inn í þetta?

Að þaðsé ekki tölva sem raðar þessu "Auto-matiskt"?