Hiti á hnettinum hefur ekki aukist frá aldamótum, ísinn á Norðurslóðum eykst

Rajendra Pachauri, formaður IPCC, Intergovernmental Panel on Climate Change, loftlagsnefndar Sameinuðu þjóðanna, var hér í heimsókn í boði Ólafs Ragnars Grímssonar forseta Íslands. Rajendra hélt fyrirlestur í hátíðarsal Háskóla Íslands, því miður gat ég ekki verið viðstaddur þann atburð enda æði fyrirsjáanlegt hvað Rajendra mundi segja eins og kom í ljós í viðtalinu sem Egill tók við hann og birti í Silfrinu í gær.

IPCC var ekki stofnað til að finna það sem sannara reynist heldur bókstaflega eins og segir í stofnskránni:

"að sýna fram á að maðurinn er með sínum gjörðum að breyta loftslagi heimsins"

og sú breyting, skv. kenningum IPCC er að maðurinn með kolefnisbruna og aukningu á koltvísýringi CO2 sé að hækka meðalhita jarðar.

IPCC og Al Gore fyrrum varaforseti Bandaríkjanna fengu friðarverðlaun Nóbels fyrir starf sitt.

Þessar kenningar, um að maðurinn sé að hækka meðalhita jarðar og ís á skautum og jöklar séu á hröðu undanhaldi, er grundvöllurinn fyrir Nóbelsverðlaununum svo það er ekki undarlegt þó öllum vísindamönnum, og þeir eru fjölmargir, sem halda fram gagnstæðum skoðunum, sé ekki hleypt inn á ráðstefnurnar í Kyoto, Bali, Posnan og líklega verður það sama upp á teningnum  á ráðstefnunni í Kaupmannahöfn nú í desember. Það er svo sem mannlegt að þeir sem hafa fengið Nóbelsverðlaun fyrir kenningar geti ekki dregið þær til baka heldur halda þeir áfram að predika sína trú, sumir líklega gegn betri vitund.

Þetta línurit var lagt fram á ársfundi Geografist Forening í Noregi fyrir skömmu og sýnir þróun meðalhita sl. öld. Það hefur verið hamrað á því að hiti hafi stöðugt verið að hækka alla 20. öldina. Það er rangt. Það má skipta öldinni hvað þetta varðar  í fjögur tímabil 20 - 30 ára. Þarna má sjá hve hiti féll frá 1947 - 1979 en þá fór að hlýna. Skv. þess línuriti hefur hiti ekki hækkað á þessari öld þó hiti hafi rokkað upp og niður milli ára. Enda erum við illi heilli líklega að fara inn í tímabil fram til 2030 þar sem hiti mun ekki hækka heldur falla. Það getur haft erfiðleika í för með sér fyrir okkur hérlendis svo sem í akuryrkju og hafís kann að aukast við landið.

Baráttan gegn CO2 er því sannkallaður "vindmylluslagur", skaðlegur vindmylluslagur.

 

 

 

 

 

 

 

 

 

 

 

 

 

 

 

 

 

 

 

 

 

 Það hefur lítið farið fyrir sjónarmiðum andstæðum kenningum IPCC hérlendis en í nágrannalömdum fá andstæð sjónamið að koma fram í fjölmiðlum. The Telegraph í Bretlandi birti grein um þá staðreynd að ísbreiðan á Norðurslóðum er að aukast, ekki að minnka eins og IPCC heldur fram. 

Það var því ljótur leikur þegar flogið var með Ban-Ki-moon framkvstjr. SÞ til Svalbarða til að sýna honum sumarbráðnun íss þegar hún er í hámarki í september. Ban-Ki-moon beit á agnið og hélt hjartnæma ræðu um að þarna mætti sjá mannanna verk, maðurinn væri að bræða íshelluna á norðurslóðum!!!

Athugasemdir

[Höskuldur Búi Jónsson, 21.9.2009 kl. 11:29]

Jæja, ertu nú farinn að halda því fram að PDO-Indexinn sýni þróun meðalhita. Nú er ég aldeilis hlessa.

[Sigurður Grétar Guðmundsson, 21.9.2009 kl. 20:36]

Er þett það eina sem þú finnur að  blogginu mínu? Nú þykir mér "lúsaleitin" orðið léleg hjá ykkur alarmistum.

Línuritið er komið af árfundi Norsk Geografist Forening 2009. Þar voru haldin fjölmörg erindi af vísum mönnum og einn af þeim var Asmunn Moene. Hans fyrirlestur hafði tililinn "Globalt kallare i de neste 30 år".  Undir myndinni er texti frá Asmunn. Hins vegar á ég í mínum fórum fleiri línurit sem sýna nákmæmlega það sama og þetta sem ég birti að ofan.

Því miður virðist það vera frekar regla en undantekning hjá alarmistum að velta sér upp úr smátriðum heldur en aðalatriðum. Kjarninn í því sem ég sagði er sá að það er fölsun að segja að það hafi verið stöðun hlýnun á jörðinni alla 20. öldina, svo var aldeilis ekki. Hvernig sem línuritið er fram komið hjá Asmunn Moene sýnir það glögglega hitaþróun á 20. öld og það er aðalatriðið

[Sigurður Grétar Guðmundsson, 21.9.2009 kl. 20:49]

Aldrei skyldi maður flýta sér of mikið eða rubba af skrifuðum texta. Ég fór ekki rétt með nafn norsku samtakanna, þó heita réttu nafni (eins og kemur fram að ofan) Norsk Geofysisk Forening.

Mér finnst stórmerkilegt að þróun á hita jarðar, ísmyndun og framtíðin var fyrirsögð af einum merkasta loftslagsvísindamanni allra tíma, Theodor Landscheidt f. 1927-d. 2004. Mér sýnist að framtíðarspá hans sé einmitt að rætast.

Hvað segir þú um kenningar hans?

Nú held ég að þú verðir aldeilis hlessa!

[Höskuldur Búi Jónsson, 22.9.2009 kl. 00:00]

Þessi mynd sýnir alls ekki þróun meðalhita - þetta er vísir fyrir svokallaða kyrrahafssveiflu (PDO Index) - ekki hitaþróun. Þetta er ekki smáatriði, heldur mjög stórt klúður og misskilningur af þinni hálfu

Aftur á móti þá er hægt að plotta þetta línurit á sama graf og hitastigsfrávik fyrir síðustu öld og þá sést að þessi PDO-Index hefur áhrif á hitasveiflu jarðar - langt í frá ráðandi áhrif því hitabreyting af völdum CO2 er ráðandi.

[Sigurður Grétar Guðmundsson, 22.9.2009 kl. 14:47]

Þetta línurit, sem Asmunn Moene notaði á ársfundi Norsk Geofysik Forening, birti ég eins og það kemur fyrir á heimasíði samtakanna samfara erindi AM. Ég er viss um að ef yfirskrift línuritsins hefði ekki birst hefðir þú ekki tekið eftir öðru en að þetta væri línurit yfir hitafrávik síðustu aldar. En ef menn vilja jagast um aukaatrið þá verður það svo að vera.

Ég bendi þá á þau miklu áhrif sem kyrrahafsstraumurinn PDO hefur haft á hitastig á norðurslóðum. Undanfarið hefur hann verið jákvæður með þeim afleiðingum að hann hefur pumpað inn miklu af tiltöluleg hlýjum sjó inn um Beringssund og þjappað íshellu Pólsvæðisins saman. Nú er sveiflan breytt, PDO orðinn neikvæður og það er greinlega farið að hafa áhrif á Pólarsvæðinu, íshellan eykst.

Nú er að renna upp eitt mikilvægasta tímaskeið og það síðasta sem Theodor Landshscheidt sagði fyrir um byggð á hans rannsóknum. Því miður fyrir okkur og heimsbyggðina mun líklega vera kólnun framundan sem nær hámarki eftir 2030.

En þetta er nokkuð sem ekki má segja, það á aðeins að "trúa" hinni einu sönnu "kenningu". 

Ég er enn sannfærður um að CO2 hefur sáralítil áhrif á hitastig jarðar, enda ekkert sem bendir til þess.