Climategate, hvernig komst upp um svindl vísindamanna IPCC, loftslagsnefndar Sameinuðu þjóðanna?

Öll þau býsn af tölvupósti frá CRU, Climate Research Unit sem er í University of East Anglia hafa hangið eins og óveðursský yfir sirkusnum í Kaupmannahöfn. Í þeim pósti sést það svart á hvítu að "vísindamennirnir" hafa haft víðtækt samráð um að hagræða staðreyndum svo þær féllu betur að þeirri niðurstöðu sem ætlunin var að fram yrði sett. Enda stendur það í stofnskrá IPCC, loftslagsnefnd Sameinuðu þjóðanna að sýnt skuli fram á hækkandi hita á jörðinni!

Það var aldrei ætlunin að sýna fram á staðreyndir eða það sem sannast reynist!

Þessi tölvuleki hefur þó haft það í för með sér að Phil Jones, forstjóri CRU, hefur vikið úr stöðu sinni og opinberar rannsóknir eru hafnar austan hafs og vestan á vinnubrögðum "vísindamannanna".

En hvar birtust öll þessi gögn, allir þessir tölvupóstur?

Auðvitað á ólíklegasta stað, í borginni Tomsk austur í Úralfjöllum Rússlands. Þar með var því slegið föstu að þarna hefði verið rússneskur "hakkari " á ferð. Rússar segjast hafa kannað málið og þetta hafi einfaldlega ruðst í tölvuverið í Tomsk. Sumir hafa verið með þá kenningu á lofti að þarna hafi "whistleblower" verið að verki, innanbúðarmaður hjá CRU. En nú er komin fram ný kenning. Fjölmargir ekta vísindamenn hafa undanfarin ár  krafið Phil Jones um að fá að sjá þau gögn sem hlaðist hafa upp hjá CRU og eru undirstaða "heimsendaspánna". Phil Jones hefur ætíð neitað því að efasemdarmenn fái nokkuð að sjá af grundvallargögnum. Þrýstingurinn á hann hefur þó verið að aukast og hafa menn jafnvel farið af stað með því að snúa sér til dómstóla. Svo mikill var þrýstingurinn að Phil Jones hafi verið orðinn lafhræddur um að hann yrði dæmdur til að hleypa "úlfunum" inn. Þess vegna hafi hann tekið á ákvörðun að eyða öllum gögnum og kenna um tölvuhruni. Allur póstur var pressaður" svo hægt væri að senda hann á felustað undir nafninu tom.cru.

En þá urðu honum á mistök, punkturinn lenti á röngum stað og heimilisfangið verður tomc.ru, sem sagt tölvuverið í Tomsk í Úralfjöllum Rúslands.  

Og þangað ruddist öll runan og eitt mesta hneyksli í vísindaheiminum var komið fyrir allra augu!

Athugasemdir

[Gullvagninn (IP-tala skráð) 14.12.2009 kl. 10:46]

Skemmtileg kenning :P

En massamiðillinn ætlar bara að láta eins og ekkert hafi í skorist, þeir nefna ekki climategate eða 'warmergate' (einhver sniðugur smíðaði seinni frasann til að líkjast enn meira upprunalega Watergate) nema í framhjáhlaupi til að reyna að gera lítið úr upplýsingum sem berast manna á milli, þökk sé internetinu.

Fréttaflutningur er orðinn að keppni í fáránleika.  Sjá t.d. Orwellska frétt rúv um það hvernig Obama ætlar að vinna fyrir friðarverðlaunum sínum með aukinni áherslu á stríð:

http://www.youtube.com/watch?v=bKsmBd9qYX8&feature=player_embedded

[Sveinn Atli Gunnarsson, 14.12.2009 kl. 13:04]

Það hefur enn ekkert komið fram í þessum tölvupóstum og meinta hneyksli sem sýnir fram á falsanir eða svik vísindamanna. Þetta er fyrst og fremst upphlaup, sem er haldið við af vanþekkingu og samhengislausum upphrópunum. Sjá t.d. færslu á vef Nature um málið.

Sjá einnig þetta myndband, þar sem farið er yfir 2 mest notuðu rökin varðandi hin meintu svik. Þetta er stormur í vatnsglasi, sem er m.a. drifin áfram vanþekkingu og samsæriskenningum.

[Magnús Sigurðsson, 14.12.2009 kl. 14:15]

Menn þurfa ekki að aðhyllast samsæriskenningar til að átta sig á því á hverskonar áróðri kenningin um hlýnun jarðar er byggð.  Það þarf ekki annað en að hafa augun opin og kynna sér veðurfar. 

Ef kenningin um ósonlagið sem tröllreið öllu fyrir 15-20 árum síðan hefði ræsts færum við ekki öðruvísi út undir bert loft í dag nema klædd í geimbúning með logsuðugleraugu.

[Höskuldur Búi Jónsson, 16.12.2009 kl. 21:51]

Magnús: Var það ekki sameiginlegt átak þjóða heims að hætta að framleiða efni sem eyddu ósoninu, sem varð til þess að eyðing ósonlagsins stöðvaðist?