Stakk Morgunblaðið hluta af skoðanakönnun um ESB undir stól?

Sveinn Andri Sveinsson lögfræðingur og Sjálfstæðismaður er borinn fyrir þeirri sögu að Morgunblaðið hafi ekki birt allt sem fram kom í skoðanakönnun um afstöðu almennings til inngöngu í ESB. Þar er fullyrt að ein spurningin hafi verið á þessa leið:

Ert þú fylgjandi því að við göngum í Evrópusambandið ef við fáum full  yfirráð yfir fiskimiðum okkar?

Sagt er að 71% spyrjenda hafi sagt já við þessari spurningu.

En þetta hefur hvergi komið fram, ekki í Morgunblaðinu sem stóð fyrir þessari könnun.

Er það virkilega satt að Morgunblaðið hafi ákveðið að leyna svarinu við þessari spurningu af því hún féll ekki að því sem Morgunblaðið vildi fá fram?

Athugasemdir

[Birgir Guðjónsson (IP-tala skráð) 7.7.2010 kl. 13:41]

Ég var þáttakandi í þessari könnun Sigurður.

Þessi spurning var ekki þarna á meðal.

[Benedikta E, 7.7.2010 kl. 13:47]

Þar hefurðu það Sigurður - Birgir hefur gefið þér afdráttar laust - svarið.

Gott mál Birgir.

[Svavar Bjarnason (IP-tala skráð) 7.7.2010 kl. 16:57]

Er það ekki rétt að Morgunblaðið sé búið að gera fleiri en eina könnun um ESB síðastliðin 2 til 4 ár?

Ef svo er, hvernig veit Birgir að þessi spurning hafi ekki verið þar?

[Dingli, 7.7.2010 kl. 19:23]

Ert þú fylgjandi því að við göngum í Evrópusambandið ef við fáum full  yfirráð yfir fiskimiðum okkar.

Ef þessarar spurningar hefur verið spurt, þá er hún að sjálfsögðu svo arfa vitlaus að svör við henni eru ekki marktæk.

[Dingli, 7.7.2010 kl. 19:25]

En það er 0-0 í hálfleik.

[Já (IP-tala skráð) 7.7.2010 kl. 21:51]

Íslendingar ráda ekki yfir fiskimidum landsins...LÍÚ gerir thad.  ÚTVALDIR sem eiga nú Moggaskítinn.  Tími er kominn til thess ad hrifsa sameign landsmanna úr höndum braskara. 

[Sigurður Þorsteinsson, 7.7.2010 kl. 23:13]

Annað hvort ætlar þú að breytast í lýðræðissinna, eða tækifærislýðræðissinna. Þú vilt að Morgunblaðið birti hluta skoðunarkönnunar um aðild að ESB ef við fengjum full yfirráð yfir fiskveiðiauðlindunum, ef slík spurning hefði verið spurð. Sigurður ég er sammála þér. Nú eru áhöld um hvort slík spurning hafi verið lögð fram.

Hins vegar skilst mér að 67% af þeim sem afstöðu tóku vildu draga umsókn í ESB til baka og..... ég hef lesið eftir þig að það skiptir þig engu. Það sem skiptir máli er undirgefni undir stefnu Samfylkingarinnar. Lýðræði skiptir ykkur engu máli. Niðurstðan er tækifærislýðræðissinni. 

[Grefillinn Sjálfur - Koma svo! (IP-tala skráð) 8.7.2010 kl. 01:37]

Einmitt. Tækifærislýðræðissinni sem reynir ofan í kaupið að dreifa lygum um pólitíska andstæðinga sína. Skömm af svona fólki.

[Jón Valur Jensson, 8.7.2010 kl. 02:52]

Þessi spurning væri í sjálfri sér furðulega leiðandi og í raun afvegaleiðandi: "Ert þú fylgjandi því að við göngum í Evrópusambandið ef við fáum full yfirráð yfir fiskimiðum okkar?" – Ekki er að nú Mogganum líkt að spyrja svona asnalegra spurninga.

En þeir í Brussel geta auðvitað af "náð" sinni "gefið" okkur yfirráð yfir fiskveiðilögsögunni næsta áratuginn, þess vegna tvöfalt lengri tíma, en sá tími er fljótur að líða í sögu þjóðar, og þeir hefðu alltaf algert löggjafarvald yfir okkur (og við með ekkert neitunarvald) og gætu hirt af okkur það sem þeim sýndist og væru þar að auki í millitíðinni búnir að gera landið að þægilegum herstöðva-útverði sínum (fyrir flugher jafnt sem flota) norður við Íshafið, þar sem togazt verður á um áhrif, auðlindir og hagsmunir í náinni framtíð.

Það er merkilegt, Sigurður Grétar – eins og mér finnst þú að mörgu leyti ágætur og skýr maður –, ef þú stendur ekki með þeim, sem vilja verja sjálfstæði lands okkar og fullveldi.

[Jón Valur Jensson, 8.7.2010 kl. 02:57]

Ekki er það nú mogganum líkt ... – og: hagsmuni !

En talandi um tækifærissinna: Ég man ekki eftir neinu ljósara dæmi en einmitt honum Sveini Andra Sveinssyni hrl. í fjölmiðlaviðtali um daginn ...

[Hjörtur J. Guðmundsson, 8.7.2010 kl. 11:57]

Ég efast um að slíkrar spurningar yrði spurt, sama hver ætti í hlut, þar sem öllum er ljóst að slík yfirráð eru ekki í boði ef við göngum í Evrópusambandið. Það væri eins hægt að spyrja hvort fólk vildi í sambandið ef við fengjum sama vægi þar innanborðs og Þjóðverjar!

Þess má annars geta, fyrst rætt er um óbirtar skoðanakannanir, að þann 12. maí sl. var ég í úrtaki könnunar hjá Capacent þar sem spurt var hvernig ég myndi kjósa í þjóðaratkvæði um inngöngu í Evrópusambandið. Athygli vakti að notuð var nákvæmlega sama spurning og capacent hefur spurt fyrir hin ESB-sinnuðu Samtök iðnaðarins. Niðurstöður þessarar könnunar hafa enn ekki verið birtar.

[joi (IP-tala skráð) 8.7.2010 kl. 12:08]

Hvar hefur Sveinn Andri heimildir fyrir þessu? Þarf hann ekki að koma með einhverjar sannanir eða heimildir um þetta? Finnst honum það líklegt að MBL hafi spurt svona? Finnst fólki það? Ef svo er, myndi þá ekki MBL hafa spurt fleiri spurninga í svipuðum stíl, s.s. "ert þú hlynntur ESB aðild, ef Íslendingar verða krafðir um að borga Icesave reikninginn upp á 1200 milljarða?". Ætli 90% af þjóðinni myndu þá ekki segja þvert nei? Evrópuþingið var nú samt að staðfesta að Icesave og ESB aðild er órjúfanlegur hluti samningaferlisins.

[Dingli, 9.7.2010 kl. 07:40]

Hjörtur, merkileg þessi spurning frá Capacent, eða ómerkileg kannski heldur. Þú varst beðin að svara áður en nokkuð er til að kjósa um. Engin samningur né aðrar forsendur til.   Átti að kanna hve margir vildu í ESB blindandi sama um hvað semdist?

jói

Sveinn Andri Sveinsson lögfræðingur og Sjálfstæðismaður er borinn fyrir þeirri sögu..... Þetta eru orð Sigurðar!  Hver bar SAS fyrir sögunni? Þetta er bara þvættingur. SAS er reyndur málaflutningsmaður og  hefur varist í mörgum erfiðum sakamálum. Hann sér á augabragði feilana í spurningunni og færi aldrei að breiða hana út.

[Gísli Ingvarsson, 11.7.2010 kl. 15:59]

Með leyfi að spyrja eru skoðanakannanir sem vitnað er í ekki opinber plögg þar sem aðferðafræðin er skilgreind og allar spurningar uppi á borðinu og niðurstöður þeirra. Ef svo er ekki verður að setja ný lög um skoðanakannanir sem bæta úr þessu. Að vitna í skoðanakönnun sem er "leyniplagg" er sviksamlegt. Þangað til ég fæ annað staðfest tel ég þessa skoðanarkönnun ómarktæka með öllu.