Zapatero áminnti Benedikt páfa

Benedikt páfi var í heimsókn í því rammkaþólska landi Spáni. Páfi hafði margt að athuga við ýmislegt sem þarlend stjórnvöld hafa hrint í framkvæmd svo sem að auka réttindi samkynhneigðra, leyfa getnaðarvarnir og jafnvel fóstureyðingar. En eins og allir vita er þetta allt eitur í beinum kaþólskra ráðamanna með páfann í broddi fylkingar. Þegar þeir kvöddust Zapatero forsætisráðherra og Benedikt páfi gaf Zapatero páfanum áminningu, minnti hann á að Spánn væri veraldlegt ríki þar sem engin trúarstofnun væri beinlínis rekin af ríkinu og trúfrelsi væri ríkjandi á Spáni. Undanfarið hafa allmiklar deilur spunnist um það hvað áhrif Þjóðkirkjan á að hafa í skólum landsins. Svolítið kómísk deila því þar eru margir sem vilja umfram allt halda þeim áhrifum sem Þjóðkirkjan hefur en hafa áður látið vel í sér heyra með hneykslun á múslímum sem víða haf sótt fast á að gera stjórnsýslu ríkja og trúarreglur múslíma eitt og það sama.

En svo vil ég nota þetta tækifæri á að undirstrika að önnur mál eru mikilvægari á Stjórnlagaþingi að mínu áliti en aðskilnaður Ríkis og Þjóðkirkju.

Athugasemdir

[Jón Valur Jensson, 12.11.2010 kl. 10:25]

Nei, Sigurður Grétar, hann áminnti ekki páfa!.

[Sigurður Grétar Guðmundsson, 12.11.2010 kl. 11:05]

Jón Valur, getur þú tekið þér það vald að segja að eftirfarandi frétt, sem birtist á mbl.is, sé uppspuni?

Erlent | AFP | 8.11.2010 | 14:46

Zapatero áminnti páfa

• 
  

Forsætisráðherra Spánar, Jose Luis Rodrigo Zapatero, minnti Benedikt XVI páfa á að Spánn væri veraldlegt ríki þar sem ríki og trúfélög séu aðskilin, eftir að páfinn sagðist standa vörð um gildi kirkjunnar andspænis endurbótunum í stjórnartíð hans. Zapatero hefur meðal annars greitt götu hjónaskilnaða, fóstureyðinga og hjónabands samkynhneigðra.



Páfinn varði helginni á Spáni þar sem hann predikaði um heilaglíka lífs allt frá getnaði og um að fjölskyldan grundvallaðist á ást milli karls og konu. Hjónabandi samkynhneigðra var hinsvegar tekið fagnandi á Spáni og á fyrstu fimm árunum síðan það var innleitt hafa orðið 20.000 pör vígst til hjónabands. Margir fögnuðu skilaboðum páfa, en aðrir gagnrýna þau harðlega.



Í yfirlýsingu frá forsætisráðuneytinu segir að Zapatero hafi átt fund með Benedikt á flugvellinum í Barcelona stuttu áður en hann hélt til Rómar. Sagði hann að samskipti Spánar og Vatikansins væru góð, en "ítrekaði að þau væru byggð á stjórnarskránni, þar sem skýrt væri kveðið á um að Spánn sé veraldlegt ríki sem viðurkenni áhrifamátt Kaþólsku kirkjunnar á Spáni en tryggi jafnframt frelsi fyrir alla," að því er segir í yfirlýsingunni.



Í leiðara dagblaðsins El País segir í dag að páfinn hafi með heimsókn sinni haft "einstakt tækifæri til að tengja saman trú, rökhyggju og menningu" en hann hafi ekki nýtt sér þetta tækifæri.

[Jón Valur Jensson, 12.11.2010 kl. 16:58]

Líttu á tengilinn í innleggi mínu, Sigurður.