"ClimateGate" skandallinn, svo virðist sem Fréttastofa Ríkisútvarpsins sé svo hlutdræg að hún stingi öllum fréttum af svindlinu undir stól

Ég ætlaði vart að trúa mínum skilningarvitum þegar ég horfði á "Fréttaskýringaþáttinn" í Sjónvarpinu í kvöld. Þar var fjallað um loftslagsráðstefnu Sameinuðu þjóðanna sem verður sett í Kaupmannahöfn eftir viku eða svo. Þangað hefur tekist að smalað öllum helstu stjórnmálamönnum heimsins til að gera nýja Kyoto samþykkt um hvernig skuli berjast gegn einni gastegund, koltvísýringi CO2, og skattleggja alla heimsbyggðina eftir fremsta megni.

Ekki eitt einasta orð hefur komið frá Fréttastofu Ríkisútvarpsins um einhvern mesta vísindaskandal heimssögunnar sem var nýlega afhjúpaður. Falsanir sem eru svo umfangsmiklar að þessi gjörð gengur undir nafninu "ClimateGate" Þeir vísindamenn fjölmargir, sem standa á bak við kenninguna um að koltvísýringur CO2, ein mikilvægasta undirstaða alls lífs á jörðinni, ráði mestu um loftslag heimsins og sé stöðugt að orsaka hlýnun þess, hafa verið afhjúpaðir. Þeir hafa hagrætt og svindlað á gögnum til að sanna kenninguna um CO2 sem orsakavald.

Samt leyfir Fréttastofa Ríkisútvarsins sér að koma með Fréttaskýringaþátt sem að hluta er unnin úr áróðri Al Gore. Saklaust fólk er dregið fram og látið vitna um eyjar sem séu að sökkva, hvítabirnir sýndir og sagðir í útrýmingarhættu og svo var auðvitað viðtal við Árna Finnsson!!!

Fréttastofa Ríkisútvarpsins er sek um fáheyrða hlutdrægni.

Fram að þessu hefur aðeins DV og visir.is sagt frá "ClimateGate" hneykslinu en í dag rak einn fjölmiðill, Morgunblaðið, hressilega af sér slyðruorðið. Í sunnudagsblaðinu er mjög góð grein um þetta svindl og í gær var í blaðinu ágæt grein um svindlið eftir Friðrik Daníelsson verkfræðing.

Athugasemdir

[SeeingRed, 29.11.2009 kl. 23:17]

Ég furðaði mig á þessu líka, umræðan um þetta er að breiðast út en RUV ætlar að verða síðast með fréttirnar eins og stundum áður. Þeir geta samt varla leitt þetta hjá sér lengi, vitneskjan dreifist hratt þessa dagana.

[Gunnar Th. Gunnarsson, 30.11.2009 kl. 10:01]

Þeir reyna enn að nota þetta með ísbirnina.... að þeir séu í útrýmingarhættu, en þeir eru það ekki.

Um 1960 voru þeir sex þúsund talsins og þá voru þeir sannarlega í útrýmingarhættu. Í dag eru þeir um 25 þúsund og stofnstærðin hefur verið stöðug undanfarin ár og veiðikvóti er gefinn út fyrir ákveðnar frumbyggjabyggðir í Kanada og á Grænlandi.

[LS (IP-tala skráð) 30.11.2009 kl. 13:10]

SCIENTISTS at the University of East Anglia (UEA) have admitted throwing away much of the raw temperature data on which their predictions of global warming are based.

http://blogg.visir.is/logicsociety/?vi=1146

[Ágúst H Bjarnason, 30.11.2009 kl. 13:23]

Sæll Sigurður.

Sammála varðandi Fréttaskýringarþáttinn.

Það kemur ýmislegt fram í pistlum  mínum um ClimateGate og ekki síður athugasemdunum.

Sjá hér og hér.

 ---

Til þess að auðvelda mönnum að hafa yfirsýn yfir það sem er að gerast í þessu máli hefur Antony Watts sett upp sérstaka upplýsingasíðu sem nefnist auðvitað Climategate. Þetta er einfaldlega safn af krækjum sem haldið er til haga, en greinar eru enn á aðalsíðunni þar sem fjölmargir gestapennar skrifa þessa dagana.

Climategate síðan: wattsupwiththat.com/climategate

Aðalsíðan: wattsupwiththat.com

[Rúnar Berg Baugsson (IP-tala skráð) 30.11.2009 kl. 13:26]

Þú getur huggað þig við það að umfjöllunin um andófið við þessa ráðstefnu var heldur ekki góð. Þarna í Kaupmannahöfn verður allt fullt af öfga-náttúruverndarsinnum sem (ólíkt Árna okkar) hafa enga trú á bindandi samkomulagi. Mótmeldur sem eru orðnir þreyttir á öllu bullinu í kring um loftlagsbreytingarnar, það að fyrirtæki geti leyft sér að hreinsa útblásturinn en haldið áfram að losa eitur í vatnsból, að búa til vistfræðileg gjöreyðingavopn eins og margir áburðir og skordýraeitur eru. Að halda áfram offramleiðslu nema bara hafa offramleiðsluna "hreinni". Auk þess eru þessir kolefniskvótar alveg arfaslök hugmynd og andófið veit það. Það verða bara færri og ríkari menn sem menga enn meira en áður (að ekki sé nefnt skaðsemi kolefnisbindingar á vatnsból og ræktsvæði þriðja heimsins).

En andófið veit allt það vonda við þessa ráðstefnu og mun mótmæla hart í kringum hana, og vonandi nógu hart til að stöðva hana.

[Morten Lange, 30.11.2009 kl. 14:22]

Sigurður, Þú ert með miklu fleiri gifuryrði en rök, sýnist mér.  Þú nærð auðvitað að stappa stálinu í þeim sem eru þér sammála og plata nokkra sem lítið hafa fylgst með umræðuna. 

En væriri þú til í að rökstyðja mál þitt ?  Þú segir til dæmis "berjast gegn einni gastegund". Það er ekki samkvæmt raunveruleikanum að bara sé verið að vinna gegn aukningi í losun á eina gastegund.  En hvað svo ef það væri tilfellið, hvað væri rangt við það  ? 

Gott væri líka ef þú myndir nenna að svara af alvöru, afstillingu og rökvisi þeim augljósum mótrökum sem hafa komið fram, meðal anars um að þetta sé bara einn lítill angi af loftslagsvísindunum.

En ég tek undir með t.d. George Monbiot um að margt virðist benda til þess að menn hafa reynt að svindla, en það er sennilega svolítið snemma að skera úr um það.

http://www.guardian.co.uk/commentisfree/cif-green/2009/nov/23/global-warming-leaked-email-climate-scientists

Sjá líka 

http://www.loftslag.is/?p=3862

[Sigurður Grétar Guðmundsson, 30.11.2009 kl. 16:05]

Morten Lange. Ég hef ekki verið með gífuryrði varðandi loftslagsmál. Hinsvegar tek ég sterkt til orða um Fréttastofu Ríkisútvarpsins. Það er sama hver fréttin er; það á ekki að vera til eitthvað sem Fréttastofan stingur undir stól af því að fréttin er ekki í samræmi við skoðanir þeirra sem þar stjórna. Miðað við Fréttaskýringaþáttinn sl. sunnudagskvöld þá er greinilegt að Ríkisútvarpið, og þá Fréttastofan í broddi fylkingar, ætlar aðeins að birta það sem samrýmist þeim opinbera "sannleika" sem kemur frá IPCC, loftslagsnefnd Sameinuðu þjóðanna, á mótrök og skoðanir annarra skal ekki minnst. Vísindamenn á vegum IPCC eru berir að fölsunum en á það má ekki minnast.

Ég ætla að vera svo grófur að segja að þeir sem stjórna Fréttastofu Ríkisútvarpsins eru á stórhættulegri leið ef þeir leyfa sér að flokka fréttir eftir eigin skoðunum.

Þetta er nokkuð sem stjórnvöld í mörgum ríkjum stunda, svo sem stjórn Pútíns í Rússslandi. Ég held hinsvegar að það sé útilokað að þessi hlutdrægni FR komi frá stjórnvöldum. Þetta er greinilega eigin ákvörðun stjórnenda hjá RÚV að vinna á þennan hátt, sem er ekki lítið afbrot, afbrot sem þessir starfsmenn "okkar" ættu að svara til saka fyrir.

[Sigurður Grétar Guðmundsson, 30.11.2009 kl. 16:35]

Morten Lange. Ég ætla að segja þér hver er sá grundvöllur sem ég byggi skoðanir mínar á.

1. Það er útilokað að við þessar agnarsmáu mannverur á jörðinni getum haft áhrif á loftslagið á hnettinum. Það eru til miklar upplýsingar um veðurfar og loftslag alveg frá stóru Ísöldinni fyrir 10000 árum. Þær sveiflur sem hafa orðið í veðurfari og loftslagi á hnettinum hafa orðið þó engir menn hafi verið á jörðinni. Enn er það sólin, geimgeislar, armar Vetrarbrautarinnar, hafstraumar, möndulsnúningur hnattarins sem eru helstu drifkraftar loftlags- og veðurfarsbreytinga á hnettinum. 

2. Það er hörmulegt til þess að vita að fjöldi vísindamanna hefur falsað tölur og staðreyndir til að sanna það sem þeir vilja fá  fram. Þetta kemur mér ekki á óvart. Mér er nægilegt að sjá hvað Michael Mann gerði þegar hann bjó til línuritið sem nefnt hefur verið Hokkýstafurinn. Þar sagðist hann geta sannað það með rannsóknum á árhringjum trjáa að veðurfar hafi verið nær óbreytt frá árinu 1000 fram til 2000, þá hefði hitnun á hnettinum byrjað. Hann sagði allt rangt sem var litið á sem staðreyndir áður, hiti á norðurhveli 2°C hærri á miðöldum (víkingatímanum árin 1000 - 1300) en hann hefur hæst náð síðar. Hann segir rangt að litla ísöld hafi verið staðreynd  síðar á 16. - 17. og 18. öld. Hvergi eru eins miklar staðreyndir til í rituðu máli og á Íslandi um veðurfar og loftslag á þessum tímum, auk þess sem rannsóknir á borkjörnum úr jöklum og hafsbotni sýna.

Ég vorkenni þessum einfeldningum og pólitíkusum sem láta draga sig á asnaeyrum til Kaupmannahafnar á kjaftasamkomu sem hefur engan tilgang og er einungis til bölvunar.

Ég hef rætt við og átt samskipti við ýmsa í pólitíska geiranum. Samnefnt með þeim öllum;  þeir vita ekkert um loftslagsmál, hugsa ekki um þau, kanna ekkert og segjast bara fylgja meirihlutanum.

Þetta er í meira lagi dapurlegt og mun, ef fram heldur sem horfir, stórskaða efnahag heimsins, það mun koma harðast niður á þeim fátækustu. Stjórnmálamenn, sem brátt munu koma saman í Kaupmannahöfn, munu eta og drekka og vera glaðir, þeir munu ekki hugsa um þau 17000 börn sem deyja daglega úr hungri, vatnsskorti og af völdum styrjalda sem er haldið upp af vopnahringjum Vesturlanda.

Í þeim hópi eru "frændur" okkar Norðmenn og Svíar.   

[Leifur Þorsteinsson, 30.11.2009 kl. 16:40]

Vert er að benda mönnum á að lesa the Heidelberg Appeal sem er frá UN ráðstefnunni í Rio de Janairo 1992.Við lifum ekki í neinu

gróðurhúsi heldur undur "teppi" (gufuhvolfinu) sem heldur sem jöfnustum hita milli dags og nætur, ofugt við skylyrðin á Tunglinu.

Einnig er vert að benda á að vatnsgufan "rakinn" hefurmörg þúsunds sinnum meiri áhrif á hitan í gufuhvolfinu en CO2.Lesið fræði

Enricos Fermi, þau sem mannkynið hefur byggt alla sína þekkingu á hvað varðar hitaorku.

[Ragnar Gunnlaugsson, 30.11.2009 kl. 17:37]

Vissulega hefur verið mjög góðviðrasamt hér á landi í s.l. 10.ár en það er stuttur tími af jarðsögunni til þess að allir fari að hafa af því áhyggjur,veðurfar hefur alltaf verið breytilegt.

[Ragnar Gunnlaugsson, 30.11.2009 kl. 17:44]

Ég tek undir með þér Sigurður með fréttaflutning RUV.taldi víst að þessi nýja frétt um falsanir með rannsóknir á hlýnun jarðar yrðu aðal efni í fréttaaukanum,því miður er þetta ekki eina dæmið um hlutdrægni RUV.má þar nefna t.d. ESB trúboðið.

[Höskuldur Búi Jónsson, 30.11.2009 kl. 18:53]

Ég vil benda á umfjöllun loftslag.is sem setur þetta mál í víðara samhengi: Samhengi hlutanna.

[Ágúst H Bjarnason, 30.11.2009 kl. 20:09]

Það er fróðlegt að kanna hve Goggle finnur margar tilvísanir í ClimateGate:

Prófa að smalla á orðið: Climategate.      (12 milljón!).

(Fjöldinn fer reyndar eftir því hvort notað er google.is eða google.com).

[Baldur Fjölnisson, 30.11.2009 kl. 20:51]

Ég mæli með að þið kynnið ykkur opinbera ævintýrið um Hollywoodsjóið 11. september, sem líka er tóm della gúmmístimpluð af vísindamönnum sem hafa framfæri sitt frá hagsmunaaðilum.

[Rúnar Berg Baugsson (IP-tala skráð) 30.11.2009 kl. 23:01]

Já það er satt Baldur. Svo gott sem allir vestrænir fjölmiðlar (þar á meðal RÚV) tekur opinbera samsærisruglið sem bandaríkjastjórn setti fram um 11. sept sem heilögum sannleika. Þrátt fyrir að fram hafi komið góður rökstuðningur gegn opinberu samsæriskenningunum þá predika vestrænar fréttastöðvar það sem heilögum sannleik að binni og kó gerðu þetta. Það er þá kannski ekkert nýtt að fréttastofur eins og RÚV sýni bara eina hlið á sannleikanum (þann sem borinn er fram af jakkafötunum) og kaffæri heildarmyndina með þessum afskræmda sannleika.

[Sigurður Grétar Guðmundsson, 30.11.2009 kl. 23:45]

Ég mæli með því að fréttamenn á Fréttastofu RÚV farið eftir ráðleggingu Ágústar H. Bjarnasonar og kíki á Google og slái inn Climategate. Þá munu þeir sjá hvað hefur verið og er að gerast í heimi þeirra vísindamanna sem vinna fyrir IPCC, loftslagsnefnd Sameinuðu þjóðanna.

En fréttamennirnir á RÚV munu einnig sjá að út um allan heim eru heiðarlegir fréttamenn sem segja frá því sem er að gerast í heiminum.

Er einhver von til að þið á RÚV takið þá ykkur til fyrirmyndar?

[Ágúst H Bjarnason, 1.12.2009 kl. 09:10]

Sumir hafa fullyrt að ekki hafi verið svindlað hjá CRU...  Kannski bara hagræðing eða sjónhverfingar?

Eitt dæmi um hvernig hagræða má hlutunum:

Steve McIntyre sýnir hér tvo ferla þar sem greinilega kemur fram hvernig hægt er að hagræða hlutunum og beita sjónhverfingum.

Snillingarnir beittu því "trikki" að sleppa gögnum eftir 1960, en svo óheppilega vildi til að þau sýndu breytingu í öfuga átt, þvert á það sem var heppilegt fyrir málsstaðinn.

Sjá stutta útskýringu hjá Steve McIntyre: http://camirror.wordpress.com/2009/11/29/still-hiding-the-decline

Einnig hér.

Takið eftir muninum á efri ferlinum frá University of East Anglia og sérstaklega síðustu árunum lengst til hægri. Takið eftir hvernig svarti ferillinn rís bratt. Takið líka eftir að það vantar aftan á græna ferliinn.

Á neðri myndinni hefur Steve notað gögnin eftir 1960. Bleiki ferilinn í framhaldi af þeim græna sýnir hvað klippt var í burtu - viljandi.  Með "trikki".

Takið eftir því að svarti ferillinn er hættur við að rísa upp úr öllu valdi !

Kannski er réttara að kalla þetta bara hagræðingu á sannleikanum. Eða væri réttara að nota sterkari orð?

.

[Höskuldur Búi Jónsson, 1.12.2009 kl. 09:48]

Ágúst:

Sjá umfjöllun um þetta á loftslag.is: Að stela bíl og nota fyrir sjónvarp

Gögnin sem þetta átti að “fela” eru gögn sem vel eru þekkt að séu ekki góð fyrir árin eftir 1961 og þetta vandamál hefur verið kallað “divergence problem” (samleitni vandamálið). Þetta vandamál hefur verið þekkt frá 1998 og meðal annars rætt um það í grein Briffa o.fl 1998 (Reduced sensitivity of recent tree-growth to temperature at high northern latitudes – ágrip), en það er grein þeirra sem fyrst byrjuðu að nota þessi gögn, en þar mæla þeir með að ekki séu notuð gögn eftir 1961.

Hér er semsagt um þekkt vandamál að ræða, en ekki eitthvað samsæri eins og þeir paranojuðu halda fram.

[Ágúst H Bjarnason, 1.12.2009 kl. 13:21]

Sjá póstinn þar sem vísað er í trikkið. Hann er allur t.d. hér:

http://www.eastangliaemails.com/emails.php?eid=154&filename=942777075.txt

 en efnið hér fyrir neðan:

 Dear Ray, Mike and Malcolm,
Once Tim's got a diagram here we'll send that either later today or
first thing tomorrow.
I've just completed Mike's Nature trick of adding in the real temps
to each series for the last 20 years (ie from 1981 onwards) amd from
1961 for Keith's to hide the decline. Mike's series got the annual
land and marine values while the other two got April-Sept for NH land
N of 20N. The latter two are real for 1999, while the estimate for 1999
for NH combined is +0.44C wrt 61-90. The Global estimate for 1999 with
data through Oct is +0.35C cf. 0.57 for 1998.
Thanks for the comments, Ray.

Cheers
Phil

Látum svo aðra um að dæma um hvort hér sé um eðlileg vinnubrögð að ræða, eða einhverja "paranoju".   Bíðum rólegir þangað til. - Sá hlær best sem síðast hlær

[Höskuldur Búi Jónsson, 1.12.2009 kl. 13:42]

Já já, haltu bara áfram að vera paranoid - ég var að svara þessu í síðustu athugasemd

[Ómar Bjarki Kristjánsson, 1.12.2009 kl. 13:51]

Ágúst, eru þá þið  Makkintæer og þú að segja að það hafi ekkert farið hlýnandi á jörðinni og það sé beisikallílí bara kalt ?  Eða hvað á þessi bleika lína að merkja ?

Eg er alveg hættur að botna í þessu. 

[Höskuldur Búi Jónsson, 1.12.2009 kl. 15:48]

Ég held að Ágúst taki meira mark á proxíhita trjáhringja heldur en beinum hitastigsmælingum. Hann viðurkennir allavega ekki að þörf sé á að sleppa proxíhitastigi viðkomandi trjáhrinjga (eftir 1961), þótt búið sé að sýna fram á að það stemmir ekki við mælt hitastig eftir 1961 og margbúið að ræða það í ritrýndum greinum.

[Valgeir (IP-tala skráð) 1.12.2009 kl. 20:15]

Verð að viðurkenna að ég skil ekki þessa umræðu hér á síðunni. Spurningin, hvort þú Sigurður sért hreinlega ekki í lagi, kom oft upp. Og svo eru þeir til sem styðja þig hér. Þið eruð greinilega þeirrar skoðunar að jörðin sé hér einungis til að láta af hendi allt það sem þið viljið fá frá henni.

Mér finnst almenna umræðan um þessi stórmikilvægu mál á Íslandi vera á sama stigi og umræðan um viðskiptahæfileika íslensku útrásarvíkinganna og hinn góða mátt bankanna, fyrir hrun.

Því vona ég að þeir Íslendingar sem töldu sig til fjármálasérfræðinga, fyrir hrun, láti af allri umræðu um alvöru hættur umhverfis okkar. Ég er ekki að meina þig, Sigurður (ég þekki þig ekki), en þó ættu ansi margir að geta tekið þetta til sín.

Stóru orkfreku risafyrirtæki, ríkisstjórnir þeirra heimalanda og þeirra viðskiptalanda, spilltir stjórnmála- og viðskiptamenn, allt of margir jarðarbúar, heimska almenningsins og ruglubloggarar eru mesta hætta plánetu okkar í dag.

Takk

[SeeingRed, 1.12.2009 kl. 20:24]

Hérna er athygliverð grein á CBS News; Remember This About "Climategate" :

John Derbyshire: "Trust Science But Don't Trust Scientists"

"The ninth commandment is: trust science. By this we mean a true science, based on objectively established criteria and agreed foundations, with a rational methodology and mature criteria of proof - not the multitude of pseudo-sciences which, as we have seen, have marked characteristics which can easily be detected and exposed. Science, properly defined, is an essential part of civilization. To be anti-science is not the mark of a civilized human being, or of a friend of humanity. Given the right safeguards and standards, the progress of science constitutes our best hope for the future, and anyone who denies this proposition is an enemy of science. "

- Paul Johnson, Enemies of Society (1977)

[Gullvagninn (IP-tala skráð) 1.12.2009 kl. 20:53]

Góðar fréttir: Útblástur CO2 blæs lífi í jörðina!

[SeeingRed, 1.12.2009 kl. 21:50]

Document Reveals U.N.'s Goal of Becoming Rule-Maker in Global Environmental Talks

" Environmentalism should be regarded on the same level with religion "as the only compelling, value-based narrative available to humanity," according to a paper written two years ago to influence the future strategy of the United Nations Environmental Program (UNEP), the world's would-be environmental watchdog. "

[SeeingRed, 1.12.2009 kl. 21:51]

Hér er hlekkurinn sem átti að fylgja; http://www.foxnews.com/story/0,2933,577827,00.html

[Ómar Bjarki Kristjánsson, 1.12.2009 kl. 23:11]

Höski, ok.

Já eg las líka skýringuna á eða umsögnina á vandamálini eftir 1960 "samleitni vandamálið"

En sko, mér finnst svo langsótt að vera að gera mál úr þessu og setja fram sem "ákaflega grunsamlegt" etc.  Fela eitthvað o.s.frv.

Meina, miðað við grænu línuna þá ætti að vera svipað hitastig og um 1700-1800 !

Og allar hitamælingar  meir og minna frá upphafi (sem sýna aukningu til dagsins í dag heilt yfir eins og kunnugt er) væru bara rangar.  Eða allavega  eftir 1900 hefði komð rosa kuldakast !  Sem lítinn endi sæi á. 

Sem sagt, mér finnst þetta svo veikt hjá svokölluðum skeptíkerum - að það hálfa væri nóg.   Nær ekki nokkurri átt.

(Reyndar - reyndar er visst spurningarmerki sem eg set í mínum huga við mat eða áætlanir á hitastigi úr trjáhringjum og borkjörnum úr jöklum o.þ.h.  þ.e. að því leiti að ég velti fyrir mér hvernig tækni þetta er og hversu áræðanleg hún er o.s.frv. 

Ekki það að eg dragi hana í efa eða svoleiðis,  enda hef ég engar forsendur til þess  Finnst bara merkilegt að hægt sé að sjá eða finna út  hitastig fyrri tíma, þó ekki væri nema sirka, þ.ea.s. finna út um það bil hitastigið.  (því ekki er því haldið fram að um nákvæmt hitastig sé að ræða yfirleitt,  heldur svona um það bil, skilst manni.) 

[Jón Ragnarsson, 2.12.2009 kl. 01:27]

Það er ekkert "climategate". Þetta eru óformlegir póstar á milli vísindamanna sem eru að reyna að skilja hvernig veðurkerfi jarðarinnar virkar. Eins og pósturinn sem Ágúst vitnar í. Þarna er Phil að segja að hann hafi skipt út raunverulegum mældum tölum í staðinn fyrir staðgengilstölur í módelinu. Ég nota oft orðið "trick" yfir eitthvað sem mér finnst ótrúlega snjallt. Þá er ég ekki að segja að ég sé að svindla eða gera eitthvað sem má ekki, heldur einfaldlega að ég hafi fundið aðferð til að leysa vandann...

Þetta er nákvæmlega ástæðan fyrir því að vísindamenn vilja ekki gefa frá sér "hrá" gögn. Hægt er að mistúlka það á allan máta. Hinns vegar virðist hægt á hlýnuninni  eða hún jafnvel stöðvast, þá er skiljanlegt að vísindamenn reyni að finna út af hverju módelin þeirra passa ekki við það. 

Það er ekkert Climategate, ég hef rennt lauslega yfir þessa pósta og flestir eru svona "Módelið okkar er ekki að virka rétt, hvað getum við gert til að laga það?" ásamt hellings af jargoni og vísindaslangri.

Ég hef verið að fylgjast með þessu á reddit.com umræðusíðunum, og eins og venjulega eru niðurstöðurnar einfaldar: Hitastig hefur verið að hækka á þessari öld, en það hefur ekki verið sýnt með óyggjandi hætti að það sé manninum að kenna. 

[Morten Lange, 6.12.2009 kl. 23:34]

Jón :  Hefur ekki verið sýnt með óyggjandi hætti ?  Á þessari öld ?  Er það ekki full stuttur tími til að hafa sem viðmið ?

Þar fyri utan þarf að byrja að vinna að lausnum óháð því hvort að hlynun af mannavöldum síðan íðnbyltingu hófst, megi álýkta sem 99,5 % sennilegt eða 97%

Og þeir sem eru efins um að þetta sé af mannavöldum ættu að einbeita sér að mótvægisaðgerðum af völdum hækkandi yfirborð sjávar,  súrnun hafa og allt  hitt sem er að gerast og ekki sé ólíklegt að haldi áfram, óháð hver osrökin sé. 

[Morten Lange, 6.12.2009 kl. 23:34]

... súrnun hafs ...

[SeeingRed, 8.12.2009 kl. 17:06]

Líklega stendur Al Gore uppi sem eitthvert mesta fífl mannkynssögunnar eftir þessar glæsilegu afhjúpanir á svindli hjá loftlags-"vísindamönnum", ekki það að ég hafi ekki séð í gegnum sölumennskuna hjá honum og hallelújakórnum hans. Mesti vísindaskandall sögunnar staðreynd þrátt fyrir að örvæntingarfullt " damage control" se´á útopnu nú og fáir af stærri fjölmiðlum hafi bein í nefi til að fjalla undanbragðalaust um fískóið...en hver átti svo sem von á því heldur!

[Baldur Fjölnisson, 8.12.2009 kl. 19:55]

Þetta snýst að sjálfsögðu fyrst og fremst um peninga og völd og aðferðafræðin er kunnugleg - niðurstaðan er ákveðin fyrirfram og síðan login fram hvað sem það kostar. Þessi glæpsamlega aðferðafræði síkópata í æðstu stöðum er svo sem ekki ný en hefur verið að magnast með sífellt tryllingslegri hætti síðustu tvo áratugina. Bjánaleg terrorhollywoodsjó sem aðeins blekkja hálfvita, stríðslygar frá sömu raðlygurunum, vonlaus fjármálainstrúment sem eru hönnuð og dæmd til að feila og núna enn ein fjármálabólan, með kolefnisbrask, sem vafalaust mun springa eins og hinar. Það er víst hægt að ljúga hversu sem er að almenningi. Þegar skuldir og peningar ráða öllu þá eru hugsjónir lítils virði en áróðurinn ræður ríkjum og menn grípa þaðan hvaða hálmstrá. Þegar maður horfir á allt þetta gjaldþrota kerfi og síversnandi fjörbrot þess fer ekki hjá því að í hugann komi Solzhenitsin úr Gulaginu - Skárra að þú drepist í dag svo ég geti sjálfur hjarað á morgun.