Ríkissjóður á hundruðir milljarða króna hjá Lífeyrissjóðum landsins, fé sem þeir geta braskað með að vild

Einn ágætur bloggari, líklega einn af þeim gleggri á tölur og peningagildi, velti upp mörgum hliðum þess að lina skuldabyrði almennings sem er ekki einfalt mál. M. a. kom framhjá honum að niðurfærsla fasteignalána gæti orðið Lífeyrissjóðum landsins þung byrði, svo þung að Ríkissjóður yrði jafnvel að hlaupa undir bagga og veita fé í Lífeyrissjóðina. Hann benti jafnframt á að Ríkissjóður ætti að fá teygjuband á þessi fjárframlög, greiða þau á allt að tíu árum.

En er ekki eitt að gleymast? Í allri skattheimtu er það regla að skatt skal greiða um leið og skattstofn verður til, þannig er það bæði um tekjuskatt og fjármagnsskatt og að ég held um alla aðra skatta. 

Nei, það er ein undantekning. Lífeyrisgreiðslur í Lífeyrissjóði eiga að bera skatt en sá skattur er ekki tekin af stofninum um leið og hann verður til. Sá sem fær greiðsluna til varðveislu og ávöxtunar fær einnig að halda skattgreiðslunum árum saman sér til ábata, líklega geta þessir skattpeningar verið í umferð Lífeyrisjóðanna í ártugi, eru fimmtán tugir ára ekki mögulegir?

Ef svo fer að Lífeyrissjóðirnir standa ekki undir þeim afföllum sem skuldaniðurfelling hefur í för með sér þá þarf Ríkissjóður ekki að leggja þeim til  fjármagn beint. Það gæti hins vegar verið í formi þess að Ríkissjóður gæfi eitthvað eftir af hinni miklu skattaskuld Lífeyrissjóðanna, sá sem á stórfé hjá öðrum aðilum getur tæpast þurft að leggja þeim til fé þó tímabundnir erfiðleikar steðji að.

Athugasemdir

[Sigurður (IP-tala skráð) 10.11.2010 kl. 00:11]

Sjálfstæðisflokkurinn lagði til, að þessir óinnheimtu skattpeningar hjá lífeyrissjóðunum yrðu teknir og notaðir til að komast út úr núverandi erfiðleikum. Það var strax slegið út af borðinu. Hefði líklega haft bæði kosti og galla, og standa mátti að því á ýmsan hátt (til dæmis hægt eða hratt, samfara öðrum ráðstöfunum eða í staðinn fyrir þær). En ég heyrði hugmyndina aldrei rædda til fulls eða reiknaða nákvæmlega út. Og þótti það heldur miður. Vingjarnleg kveðja.

[Sigurður Grétar Guðmundsson, 10.11.2010 kl. 11:07]

Já þetta er rétt, Sjálfstæðisflokkurinn lagði þetta til en hörfaði til baka fyrir einhverjum öflum. Ég er alveg sammála þér að þetta þurfti ekki að gera í skyndingu heldur á nokkuð löngum tíma þar til komið væri á það kerfi að skattfénu væri skilað til hins opinbera um leið og skattsofninn myndast. Það var aldrei kannað hvaða leiðir væru færar án þess að ganga of nærri lífeyrissjóðunum, því miður.

Einhver öfl kipptu í spotta og stöðvuðu málið það rækilega að ALLIR þögnuðu.